06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կոմպրոմիսային վարչապետ ենք ուզում լինի, բացարձակ իշխանություն չենք ուզում․ Մարուքյան․ ՏԵՍԱՆՅՈւԹ
Քաղաքականություն
24.05.2026 | 20:09
«Լուսավոր Հայաստան» կուսակցության վարչապետի թեկնածու Էդմոն Մարուքյանը նախընտրական քարոզարշավի շրջանակներում Սյունիքի մարզի Կապան քաղաքից հանդես է եկել հարցազրույցով՝ անդրադառնալով ներքաղաքական, արտաքին անվտանգային և տնտեսական հարցերի։
Մարուքյանն ընդգծել է, որ հունիսի 7-ին կայանալիք խորհրդարանական ընտրություններից հետո՝ հունիսի 8-ին, պետությունը պետք է պաշտոնապես ներողություն խնդրի Հայ Առաքելական Եկեղեցուց և դադարեցնի վերջինիս դեմ իրականացվող բոլոր տեսակի արշավները։
Ըստ նրա՝ Սահմանադրությամբ պետությունը պարտավոր է պաշտպանել և համագործակցել եկեղեցու հետ։
Անդրադառնալով հետընտրական հնարավոր կոալիցիաներին՝ հայտարարել է, որ իրենց քաղաքական ուժը չի աջակցելու ո՛չ Նիկոլ Փաշինյանին, ո՛չ Ռոբերտ Քոչարյանին, և ո՛չ էլ Սամվել Կարապետյանի գլխավորած «Ուժեղ Հայաստան» դաշինքին։
«Մենք կողմնակից ենք կոմպրոմիսային վարչապետի ընտրությանը և թույլ չենք տալու որևէ ուժի ձևավորել բացարձակ իշխանություն կամ իշխանության ուզուրպացիա իրականացնել»,- շեշտել է Մարուքյանը՝ նշելով, որ իրենց կուսակցությունը լինելու է բացարձակ իշխանության բացառման երաշխավորը։
Արտաքին քաղաքականության և անվտանգության հարցերի անդրադառնալով՝ Էդմոն Մարուքյանը բացառել է Սյունիքով որևէ արտոնյալ միջանցքի տրամադրումը՝ հավելելով, որ առանց Արցախի կարգավիճակի հստակեցման որևէ զիջում կամ բանակցություն չի կարող լինել։
Մանրամասները՝ տեսանյութում։
Անի Թամրազյան
