13.06.2026 | 21:11
Թվեր, որ կարող են փոխել պատմությունը․ ընտրության թաքնված ՇԵՐՏԵՐԸ․ ՏԵՍԱՆՅՈՒԹ
Մենք ամենափորձառու ուժն ենք, իշխանությունը մեր դեմ դնելու բան չունի. Էդմոն Մարուքյան. ՏԵՍԱՆՅՈՒԹ
Քաղաքականություն
23.05.2026 | 20:32
Էդմոն Մարուքյանը Սյունիքի մարզում քարոզարշավի ժամանակ հայտարարել է, որ ցանկանում է մարդկանց հետ խոսել հնարավորինս պարզ ու հասկանալի լեզվով, քանի որ, ըստ նրա, հեռուստատեսությամբ հաճախ բարդ ձևակերպումներ են օգտագործվում, և քաղաքացիների համար դժվար է հասկանալ, թե իրականում ինչի մասին է խոսքը։
Նա նշել է, որ այս ընտրությունների արդյունքներով որոշվելու է, թե ինչպիսի երկիր է լինելու Հայաստանը և արդյոք այն կմնա որպես հայ ժողովրդի պետություն։ Մարուքյանի խոսքով՝ իրենք ցանկանում են, որ Հայաստանը շարունակի մնալ հայ ժողովրդի միակ պետությունը, ինչից էլ բխում է իրենց կարգախոսը՝ «Պաշտպանիր ինքնությունդ»։
Նրա խոսքով՝ պատերազմից հետո թե՛ ազգային, թե՛ պետական ինքնությունը ճգնաժամի մեջ են, և իրենց քաղաքական ուժը նպատակ ունի պաշտպանել այդ ինքնությունը։
Մարուքյանն անդրադարձել է նաև մյուս քաղաքական ուժերի ծրագրերին՝ նշելով, որ շատերը հիմնականում սոցիալ-տնտեսական և սպառողական բնույթի խոստումներ են ներկայացնում։ Նա ընդգծել է, որ իրենք նույնպես նման ծրագրեր ունեն, սակայն կարևորում են առաջնային և երկրորդական հարցերի տարբերակումը՝ առաջին հերթին առանձնացնելով անվտանգության և ինքնության խնդիրները։
Խոսելով հետընտրական զարգացումների մասին՝ Մարուքյանը նշել է, որ իրենց քաղաքական ուժը կարևորում է, որպեսզի որևէ ուժ չունենա բացարձակ իշխանություն՝ դա համարելով կարևոր սկզբունք։
Մանրամասները՝ տեսանյութում։
