23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Գործ ունենք քաղաքականապես անմեղսունակ սուբյեկտի հետ. Կոնջորյանը` Սամվել Կարապետյանի մասին. ՏԵՍԱՆՅՈՒԹ
Քաղաքականություն
23.05.2026 | 17:12
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը FactorTV-ի լրագրողի հետ զրույցում խիստ քննադատության է ենթարկել ընդդիմության և նրանց սատարող որոշ շրջանակների գործողությունները՝ դրանք որակելով որպես «երրորդ երկրների շահերը սպասարկող քաղաքական գործակալական ցանց»։
Անդրադառնալով Անդրանիկ Թևանյանի այն մտքին, թե առանց Ղարաբաղի Հայաստանը կորցնում է իր իմաստը, Կոնջորյանը նշել է.
«Մարդը ասել է փաստացի, որ ըստ էության, Հայաստանի Հանրապետությունը չունի իմաստ, չունի նպատակ… Սա երբ որ գումարում ես Հայաստանի Հանրապետության դեմ լրտեսության մեղադրանքին, ես կարծում եմ, որ շատ բան պարզ է դառնում»։
Արձագանքելով ռուսաստանաբնակ գործարար Սամվել Կարապետյանի հայտարարությանը, ով իշխանություններին հեռանալու «գործարք» էր առաջարկել, Կոնջորյանը ասել է.
«Ընդհանրապես դժվար եմ կարողանում մտաբերել մի այսպիսի զազրախոսի՝ Հայաստանի քաղաքական դաշտ նետված, ինչպիսին Սամվել Կարապետյանն է, որի բովանդակ ինտելեկտը չի հերիքում նույնիսկ մի լիարժեք նախադասություն կազմել։ […] Նա մեր ժողովրդի ինքնության ամենակարևոր մասնիկը՝ հայոց լեզվին չի տիրապետում։ Հնարավոր չէր 30 տարում մի հատ հայոց լեզվի ուսուցիչ ճարել և լիարժեք հայոց լեզվին տիրապետել»։
Նա հավելել է, որ որևէ մեկը, առավել ևս՝ այլ երկրի գործակալը, չի կարող ՀՀ կառավարությանն ու ժողովրդին նման պայմաններ թելադրել:
Մանրամասները՝ տեսանյութում։
