02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Անդրանիկ Թևանյանը փաստաբանի միջոցով ԿԸՀ-ին լիազորագիր փոխանցեց. ԱԱԾ-ն դեռ շարունակում է գործողությունները․ ՏԵՍԱՆՅՈՒԹ
Հասարակություն
22.05.2026 | 15:27
Ազգային անվտանգության ծառայությունը շարունակում է գործողություններ իրականացնել ԲՀԿ ընտրական ցուցակի 2-րդ համարի թեկնածու Անդրանիկ Թևանյանի բնակարանում։
Քիչ առաջ Թևանյանը փաստաբանի միջոցով լիազորագիր ստորագրեց և հանձնեց ԿԸՀ-ին, որ փաստաբանը մասնակցի հանձնաժողովի նիստին։ Նիստի ընթացքում քննարկվելու է պատգամավորության թեկնածու Անդրանիկ Թևանյանի նկատմամբ քրեական հետապնդում հարուցելու համար համաձայնություն տալու Դատախազության միջնորդությունը։
Ըստ ՔԿ-ի՝ ՀՀ քաղաքացի Ա.Թ.-ն, որը 2021 թվականի խորհրդարանական ընտրություններում աջակցել է «Հայաստան» դաշինքին և ընդգրկված եղել նույն դաշինքի համապետական ընտրական ցուցակում, 2024 թվականին հավաքագրվել է օտարերկրյա հատուկ ծառայությունների կողմից։ Քննության տվյալներով՝ Ա.Թ.-ն համագործակցել է «Ռուսսիա Կովկաս» աշխարհաքաղաքական կենտրոնի տնօրենի հետ, որը, ըստ իրավապահների, հանդիսացել է օտարերկրյա հատուկ ծառայությունների ներկայացուցիչ։ Վերջինիս հանձնարարությամբ, ըստ հաղորդման, նա զբաղվել է լրտեսությամբ և փոխանցել պետական գաղտնիք պարունակող տեղեկություններ։
Լիազորագիրը փոխանցելու ընթացքում Factor.am-ը հնարավորություն ունեցավ մեկ հարց ուղղել Անդրանիկ Թևանյանին։ Նա վերահաստատեց իր նախկին պնդումը, որ սա քաղաքական պատվեր է։ ԱԱԾ աշխատամիցը թույլ չտվեց այլ հարցեր ուղղել Անդրանիկ Թևանյանին։
Մանրասները՝ տեսանյութում
Նարեկ Կիրակոսյան
