26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
SpaceX-ը չեղարկել է Starship հրթիռի արձակումը մեկնարկից 28 վայրկյան առաջ
Հաղորդաշարեր
22.05.2026 | 19:25
SpaceX-ը չեղարկել է իր նոր Starship հրթիռի նախատիպի փորձնական արձակումը Տեխասի իր մեկնարկային կայանից՝ ըստ ընկերության սոցիալական ցանցերում մայիսի 21-ին ուղիղ հեռարձակման, գրում է Meduza-ն։
Հաշվարկը մի քանի անգամ դադարեցվել է թռիչքից առաջ։ Ի վերջո, թռիչքից 28 վայրկյան առաջ մեկնարկը չեղարկվել է տեխնիկական խնդրի պատճառով։
SpaceX-ի գործադիր տնօրեն Իլոն Մասկը հայտարարել է, որ արձակումը չեղարկվել է, քանի որ արձակման աշտարակը պահող հիդրավլիկ մասը չի կարողացել հետ քաշվել։ Նա հավելել է, որ եթե անսարքությունը շտկվի, հրթիռի արձակման փորձը կրկին կկատարվի մայիսի 22-ին։
Այս արձակումը լինելու էր 12-րդը Starship-ի համար և V3 անվանումով երրորդ սերնդի հրթիռի համար առաջինը։
Նախատեսվում էր, որ հրթիռը պետք է սկսեր ենթաուղեծրային փորձնական թռիչք՝ Երկրի կեսով անցնելով։
ՆԱՍԱ-ն հույս ունի օգտագործել Starship հրթիռները տիեզերագնացներին Լուսնի մակերևույթին վայրէջք կատարելու համար, ինչը նախատեսված է 2028 թվականին։
SpaceX-ը 2026 թվականի սկզբին դիմել էր ակցիաների հանրային տեղաբաշխման (IPO), որը, ինչպես սպասվում է, կլինի ամերիկյան ֆոնդային բորսայի պատմության մեջ ամենամեծը։
Թարգմանությունը Էմմա Չոբանյանի
