02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Թրամփը հայտարարել է, որ ԱՄՆ-ը լրացուցիչ 5000 զինվորականի կուղարկի Լեհաստան
Քաղաքականություն
22.05.2026 | 10:40
ԱՄՆ-ը Լեհաստան կուղարկի լրացուցիչ 5000 զինծառայողի։ Այս մասին հայտարարել է ԱՄՆ նախագահ Դոնալդ Թրամփը TruthSocial սոցիալական ցանցում գրառմամբ։
«Հիմնվելով Լեհաստանի ներկայիս նախագահ Կարոլ Նավրոցկիի հաջող ընտրության վրա, ում ես հպարտությամբ էի աջակցում, ինչպես նաև նրա հետ մեր հարաբերությունների վրա, ուրախ եմ հայտարարել, որ Միացյալ Նահանգները լրացուցիչ 5000 զինվորականի կուղարկի Լեհաստան»,- նշել է ԱՄՆ նախագահը։
Այլ մանրամասներ նա չի հայտնել։
Ավելի վաղ լրատվամիջոցները հայտնել էին, որ ԱՄՆ-ն անսպասելիորեն հետաձգել է Լեհաստանում 1-ին հեծելազորային դիվիզիայի 2-րդ զրահատանկային բրիգադի տեղակայումը, որը պետք է ժամաներ զորքերի պլանավորված ռոտացիայի շրջանակում:
Մայիսի սկզբին Թրամփը հրամայել էր Գերմանիայից դուրս բերել 5000 ամերիկացի զինվորականների։ Այս որոշումը Եվրոպայում ամերիկյան զորքերի թիվը կվերադարձնի այն մակարդակին, որը կար մինչև Ռուսաստանի կողմից Ուկրաինայի հետ լայնածավալ պատերազմը։
Թարգմանությունը՝ Էմմա Չոբանյանի
