11.06.2026 | 22:34
Ո՞ւմ օգտին են փոխվում թվերը․ վաղը կավարտվի ընտրությունների արդյունքների վերահաշվարկը. ՏԵՍԱՆՅՈՒԹ
Ենթադրում եմ` Փաշինյանը ճղած բոթասային մանկություն է ունեցել, պրոեկտում է իմ վրա. Քոչարյան. ՏԵՍԱՆՅՈՒԹ
Քաղաքականություն
20.05.2026 | 18:44
ՀՀ երկրորդ նախագահ Ռոբերտ Քոչարյանն անդրադարձել է վարչապետ Նիկոլ Փաշինյանի՝ իրեն ուղղված «բոթասով է եկել, բոթասով էլ հետ է գնալու» արտահայտությանը։
Քոչարյանը նշել է, որ չի ցանկանում հատուկ արձագանքել վարչապետի խոսքերին։
«Ամենամեծ պրոբլեմը գիտեք ինչ է, որ մի ապուշ հարցին պետք է սկսես ինչ-որ մեկնաբանություններ տալ»,- ասել է նա։
Երկրորդ նախագահը պատմել է նաև իր ընտանիքի սոցիալական պայմանների մասին՝ նշելով, որ մանկուց իրենց ընտանիքն ունեցել է ավտոմեքենա։
«Ես մեծացել եմ մի ընտանիքում, որը միշտ ունեցել է սեփական մեքենա։ Մենք ունեցել ենք «Մոսկվիչ», մինչև այդ՝ «Պոբեդա», հետո՝ առաջին «Ժիգուլին»»,- նշել է Քոչարյանը։
Նրա խոսքով՝ եթե Փաշինյանի մանկությունը «բոթասային» է եղել, ապա վարչապետը փորձում է դա «պրոյեկտել» իր վրա։
«Եթե Փաշինյանի մանկությունը ճղված բոթասային էր, ենթադրում եմ, որ ինքը այդպիսի մանկություն է ունեցել և փորձում է դա պրոյեկտել իմ վրա։ Ուղղակի աբսուրդ է»,- ասել է նա։
Քոչարյանը նաև կոչ է արել անտեսել այն հայտարարությունները, որոնք, իր գնահատմամբ, անցնում են «ապուշության տիրույթ»։
«Իմ առաջարկը և հորդորը՝ եթե այդ սահմանը անցնում է ապուշության տիրույթ, ուղղակի արհամարհեք»,- հայտարարել է ՀՀ երկրորդ նախագահը։
Մանրամասները՝ տեսանյութում։
