16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
ՌԴ-ն փորձում է մասշտաբայնացված Գյումրի-2 իրականացնել․ Ռուբեն Մեհրաբյան․ ՏԵՍԱՆՅՈՒԹ
Քաղաքականություն
20.05.2026 | 18:19
«Ռուսաստանի նախագահի աշխատակազմի տրամադրության տակ գտնվող այդ փաստաթղթերի՝ մամուլին հասանելի դարձած իրողությունը ծայրաստիճան նոր սպառնալիքներ է պարունակում մեր պետության անվտանգությանը»,- քարոզարշավի 13-րդ օրը Սպիտակ ուղևորվելու ճանապարհին ասաց «Հանուն Հանրապետության» կուսակցության նախագահի թեկնածու Արման Բաբաջանյանը։
«Մենք՝ «Հանուն Հանրապետության» կուսակցությունը, հայտարարությամբ հանդես եկանք այդ փաստերի վերաբերյալ և մենք պահանջում ենք, որպեսզի Հայաստանի արտգործնախարարությունը Ռուսաստանի դեսպանին հրավիրի և նրանից բացատրություն պահանջի այս բացահայտումների վերաբերյալ»։
Հիշեցնենք՝ օրեր առաջ FIP-ն էկրանապատկերներ էր հրապարակել և նշել, որ ըստ դրանց՝ ՌԴ նախագահի աշխատակազմի աշխատակիցը զեկուցում է իր վերադասին այն մասին, որ Հայաստանի վարչապետի մասին իրենց ստեղծած կեղծ լուրը հաջողությամբ տարածվել է։
«Ըստ էության, դրանք ապացուցում են, որ Ռուսաստանը ամենաբարձր մակարդակով՝ Ռուսաստանի նախագահի աշխատակազմում, Կիրիենկոն անձնապես համակարգում է Հայաստանի նկատմամբ այս հարձակումները։ Դրան հաջորդում են այդ դիմակավորված անձանց մասնակցությամբ տեսաուղերձը, որը ևս, կարծում եմ, արձագանքի կարիք ուներ։ Մեր կուսակցությունը արձագանքեց, և մենք կոչ արեցինք, որ մյուս բոլոր այս ընտրություններին մասնակցող քաղաքական ուժերը ևս դատապարտեն որևէ բռնության կամ ահաբեկչության փորձ այս ընտրական գործընթացը հնարավորինս խաղաղ և կայուն անցկացնելու համար»,- նշեց Բաբաջանյանը։
Մանրամասները՝ տեսանյութում։
