02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Մարդը, ով ասում էր՝ մեր երկրում կա 3 մլն վարչապետ, կորցրել է ինքնատիրապետումը. Սամվել Կարապետյանը՝ Փաշինյանի մասին. ՏԵՍԱՆՅՈՒԹ
Քաղաքականություն
18.05.2026 | 23:01
«Ուժեղ Հայաստան» կուսակցության նախագահ Սամվել Կարապետյանը խիստ քննադատության է ենթարկել վարչապետ Նիկոլ Փաշինյանի պահվածքը քարոզարշավի ընթացքում՝ նշելով, որ նա կորցրել է ինքնատիրապետումը և անհավասարակշիռ վերաբերմունք է ցուցաբերում քաղաքացիների նկատմամբ։
«Այսօր վարչապետի պաշտոնը դեռևս զբաղեցնող Փաշինյանը չափազանց լկտի, ես կասեի՝ անհավասարակշիռ վերաբերմունք է ցուցաբերել մեր երկրի քաղաքացիների նկատմամբ։ Մարդը, ով ժամանակին ասում էր, թե մեր երկրում կա 3 միլիոն վարչապետ, կորցրել է ինքնատիրապետումը և իրականության զգացումը»,- հայտարարել է նա։
Կարապետյանը հավելել է, որ Փաշինյանը ծրագրեր ներկայացնելու փոխարեն թիկնապահներով շրջապատված հարձակվում է քաղաքացիների, հերոսների մայրերի և երիտասարդների վրա։
«Անգամ 20 օր Փաշինյանի՝ երկրի ղեկավար մնալը վտանգավոր է մեր երկրի համար… Նրա յուրաքանչյուր օրը վարչապետի պաշտոնում թուլացնում է մեր երկիրը: Փաշինյանը խայտառակում է ոչ միայն մեր պետությունը, այլև հայի, հայ ժողովրդի, հայ տղամարդու կերպարը»,- նշել է նա՝ վստահություն հայտնելով, որ ընտրությունների օրը ժողովուրդը «վերջ է տալու ազգային խայտառակությանը»։
Հիշեցնենք, որ այսօր Երևանի Արաբկիր վարչական շրջանում այսօր տեղի է ունեցել Նիկոլ Փաշինյանի քարոզարշավը, որի ընթացքում նա սուր բանավեճի է բռնվել մի կնոջ հետ։ Կինը մոտեցել է Փաշինյանին և նրան մեղադրել «հայրենիքը գողանալու» և «մի ամբողջ սերունդ ոչնչացնելու» մեջ։
Ավելի ուշ պարզվել է, որ Փաշինյանին մոտեցած կինը մանկաբարձ-գինեկոլոգ Արփինե Սողոյանն է, որի հարազատ եղբայրը 44-օրյա պատերազմում անհետ կորած փոխգնդապետ բժիշկ Հրանտ Պապիկյանն է: Իսկ Տաթևիկ Սողոյանը Բագրատ արքեպիսկոպոս Գալստանյանի պաշտպանն է։
Մանրամասները՝ տեսանյութում։
