11.06.2026 | 22:17
Ժոզե Մոուրինյուն՝ «Ռեալի» գլխավոր մարզիչ
Օվերչուկը հայտարարել է, որ Մոսկվան ըմբռնումով կվերաբերվի հայ ժողովրդի ցանկացած ընտրությանը
15.05.2026 | 17:09
Ռուսաստանն ըմբռնումով կվերաբերվի Հայաստանի ցանկացած ընտրությանը, հայտարարել է ՌԴ փոխվարչապետ Ալեքսեյ Օվերչուկը՝ Արևմուտքի հետ Երևանի մերձեցման մասին լուրերի ֆոնին, գրում է Ինտերֆաքսը։
«Հայաստանը մեզ շատ մտերիմ երկիր է, դաշնակից, Եվրասիական տնտեսական միության և Անկախ Պետությունների Համագործակցության (ԱՊՀ) մաս է։ Մեզ միավորող մարդկային կապերը խորը, շատ լուրջ և երկարատև են։ Մենք մեծ հարգանք ունենք Հայաստանի ժողովրդի հանդեպ։ Եվ, իհարկե, ինչպես բազմիցս ասել է Ռուսաստանի նախագահ Վլադիմիր Պուտինը, մենք ըմբռնումով կմոտենանք հայ ժողովրդի կողմից կայացվող ցանկացած ընտրության»,- ասել է Օվերչուկը «Ռուսաստան-իսլամական աշխարհ. ԿազանՖորում 2026» միջազգային տնտեսական ֆորումի շրջանակում լրագրողների հետ զրույցում։
Ըստ նրա՝ Ռուսաստանը բազմիցս նշել է, որ «ԵՏՄ-ին և ԵՄ-ին անդամակցությունն անհամատեղելի է», և Հայաստանը «շատ լավ հասկանում է դա»։
«Հայաստանի ղեկավարները նույնպես ասում են, որ դրանք անհամատեղելի են։ Որոշակի պահի նրանք ստիպված կլինեն կատարել այդ ընտրությունը, եթե որոշեն դա անել։ Մեր կողմից մենք նույնպես փորձում ենք մեր գործընկերներին փոխանցել այս առումով առաջացող խնդիրները։ Վերջին հաշվով, դա նրանց ընտրությունն է»,- ասել է Օվերչուկը։
Թարգմանությունը՝ Էմմա Չոբանյանի
