24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
Զելենսկին հայտնել է, որ Կիևում ռուսական զանգվածային հարձակման հետևանքով զոհերի թիվը հասել է 5-ի
Քաղաքականություն
14.05.2026 | 15:55
Կիևում մայիսի 14-ին ռուսական գիշերային զանգվածային հարձակման հետևանքով զոհերի թիվը հասել է 5-ի, ևս 10 մարդու ճակատագիրն անհայտ է, հայտարարել է նախագահ Վլադիմիր Զելենսկին։
7 մարդ վիրավորվել է Կիևի մարզում, 28-ը՝ Խարկովում, իսկ 2-ը՝ Օդեսայի մարզում, հավելել է Ուկրաինայի նախագահը։
«Կիևի Դարնիցկի շրջանում ներկայում որոնողական-փրկարարական գործողություն է ընթանում։ Նրանք փնտրում են մարդկանց շենքի փլատակների տակ։ Ավելի քան 10 մարդ դեռևս անհետ կորած է համարվում»,- գրել է Զելենսկին։
Նա հայտարարել է՝ այս բոլոր հարձակումներին կհաջորդի արդարացի արձագանքը։ Զելենսկին կոչ է արել ամբողջ աշխարհին ճնշում գործադրել Մոսկվայի վրա և կանգնել Ուկրաինայի կողքին։
Կիևի քաղաքապետ Վիտալի Կլիչկոն պարզաբանել է, որ 5-րդ զոհը երեխա է։ Փրկարարները Դարնիցկիի շրջանի շենքի փլատակներից դուրս են բերել 12-ամյա աղջկա մարմին։
Ուկրաինայի արտակարգ իրավիճակների պետական ծառայությունը, իր հերթինի, հայտնել է առնվազն 20 անհետ կորածի մասին։
Թարգմանությունը՝ Էմմա Չոբանյանի
