25.06.2026 | 10:45
«Միասնության թևերը» ընտրությունների գործով երրորդ անձ ներգրավվելու կոչ է արել մի շարք կուսակցությունների
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
Քաղաքականություն
13.05.2026 | 22:08
Ազգային ժողովի ընտրություններին մասնակցելու հայտ ներկայացրած «Քոչարի ազգային վերածնունդ և ազգի զարթոնք» կուսակցության վարչապետի թեկնածու Արտակ Սարգսյանը հարցազրույցում հայտարարել է, որ Հայաստանում պատերազմի վտանգն արդեն առկա է, իսկ քաղաքական ուժերի մեծ մասը, ըստ նրա, հասարակությանը «կեղծ խաղաղության օրակարգ» են ներկայացնում։
Սարգսյանի խոսքով՝ իրենց քաղաքական ուժը չի պատրաստվում ընտրողներին համոզել, թե պատերազմ չի լինելու։ Նա նշել է, որ իրենք առաջարկում են պատերազմական գործողությունները տեղափոխել «հարևանի տարածք», ոչ թե թույլ տալ, որ մարտերը տեղի ունենան Հայաստանի տարածքում։
Քաղաքական գործիչը նաև խոսել է մասնավոր ռազմական ուժերի ներգրավման գաղափարի մասին՝ նշելով, որ նման առաջարկ ներկայացրել էին դեռևս մինչև 44-օրյա պատերազմը։ Նրա խոսքով՝ այդ նախաձեռնությունը մերժվել էր, իսկ Հայաստանում ընդունվել էր օրենք, որով վարձկան գործունեությունը քրեորեն պատժելի է ճանաչվել։
Հարցին, թե արդյոք իրենց ծրագիրը նշանակում է հրաժարում խաղաղության ճանապարհից, Սարգսյանը պատասխանել է, որ պատերազմն արդեն իրականություն է՝ նշելով, որ Իլհամ Ալիևը չի հրաժարվել «Արևմտյան Ադրբեջանի» վերաբերյալ իր հայտարարություններից։
Սարգսյանը նաև պնդել է, որ Հայաստանի ընտրությունները վերածվել են աշխարհաքաղաքական ուժերի պայքարի հարթակի, իսկ հիմնական քաղաքական դերակատարները, ըստ նրա, ներկայացվում են որպես արտաքին կենտրոնների շահերի կրողներ։
Անդրադառնալով մասնավոր բանակների թեմային՝ նա նշել է, որ խոսքը պրոֆեսիոնալ զինվորականների ներգրավման մասին է։ Սարգսյանի խոսքով՝ նման ուժեր հնարավոր է հավաքագրել աֆրիկյան երկրներից, ինչպես նաև Շրի Լանկաից և Ֆիլիպիններից։
Նա նաև հայտարարել է, որ օտարերկրյա զինվորների մասնակցությունը կարող է պայմանավորված լինել ոչ միայն ֆինանսական շահագրգռությամբ, այլ նաև գաղափարական մոտիվներով։
Մանրամասները՝ տեսանյութում։
Նարեկ Կիրակոսյան
