21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Փաշինյանի ժամանման պատճառով վարորդներին թույլ չէին տալիս կայանել մեքենաները, քարշակներով հեռացնում էին
Քաղաքականություն
23.11.2018 | 11:17
ՀՀ վարչապետի պաշտոնակատար Նիկոլ Փաշինյանն այսօր «Արմենիա Մարիոթ» հյուրանոցում պետք է մասնակցի Հայաստանի տնտեսության զարգացման արդի հիմնախնդիրների թեմայով խորհրդաժողովին: Factor.am-ը ժամանման պահին նկատեց, որ հյուրանոցի շրջակա հատվածներում ավտոմեքենաներ չկային կայանված: Տարածքում կային ոստիկաններ և Նիկոլ Փաշինյանի անվտանգությունը հսկող աշխատակիցներ:
Վարորդներին թույլ չէին տալիս մեքենաները կայանել շենքի հարակից տարածքում, իսկ արդեն կայանված մեքենաները փորձում էին քարշակներով հեռացնել:
Ոստիկանության լրատվության և հասարակայնության հետ կապերի բաժնի պետ Աշոտ Ահարոնյանը մեզ հետ զրույցում մեկնաբանելով, թե ինչու են մեքենաները տարհանվում, ասաց, որ նմանատիպ միջոցառումների ժամանակ միշտ էլ ոստիկանությունը, անվտանգությունից և հասարակական կարգը պահպանելու անհրաժեշտությունից ելնելով, նմանատիպ միջոցառումներ է իրականացնում:
Հիշեցնենք, որ նախկին իշխանությունների օրոք էլ Սերժ Սարգսյանի՝ որևէ հասցեում հյուրընկալվելու դեպքում կրկին նույն տեսարանին էինք ականատես լինում: Նիկոլ Փաշինյանը դեռ չէր ժամանել, բայց «Արմենիա Մարիոթ» հյուրանոցի շրջակայքում սովորաբար մեքենաները կայանող վարորդները ստիպված էին երկար ժամանակ կայանելու տեղ փնտրել:
