12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Մենք լուծարելու ենք էս մարմինը»․ Մարուքյանն ու Գալյանը հանդիպեցին հարկադիրի շենքի մոտ․ ՏԵՍԱՆՅՈՒԹ
Քաղաքականություն
12.05.2026 | 13:10
«Լուսավոր Հայաստան» կուսակցության քարոզարշավի ընթացքում, երբ Էդմոն Մարուքյանը Հարկադիր կատարումն ապահովող ծառայության գործունեության վերաբերյալ իրենց ուժի դժգոհություններն էր ներկայացնում, շենքից դուրս է եկել արդարադատության նախարար Սրբուհի Գալյանը։
Գալյանը նշեց, որ այնտեղ է նշելու ծառայության հիմնադրման 28-ամյակը։
Զրույցի ընթացքում Էդմոն Մարուքյանը համակարգի աշխատանքը որակեց որպես «մոնստր» համակարգ, որը գործում է քաղաքացիների դեմ։ Մարուքյանի խոսքով՝ քաղաքացիները տուգանքները վճարելուց հետո էլ շարունակում են մնալ «արգելանքի տակ», քանի որ էլեկտրոնային համակարգը վճարումներից հետո ավտոմատ կերպով չի հանում արգելանքները։
«Մարդկանց բանկային հաշիվները շարունակում են մնալ արգելանքի տակ, մարդը չի կարողանում օգտվել իր սեփական գումարներից, իսկ պետությունը շարունակում է տուգանքները պլանավորել որպես եկամտի աղբյուր», – ընդգծեց Մարուքյանը։
Սրբուհի Գալյանն արձագանքեց, որ իրականացվել են թվային մեծ բարեփոխումներ, և քաղաքացիները կարող են օգտվել անձնական կաբինետներից։ Նախարարը նաև հավաստիացրեց, որ որևէ համակարգային խնդիր չկա, իսկ առանձին դեպքերը պետք է դիտարկել ըստ անհրաժեշտության։
Մանրամասները՝ տեսանյութում։
