12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մեկ միլիարդ դոլարով պետք է ավելացնենք բանակի ֆինանսավորումն առաջին տարում․ Թաթոյան․ ՏԵՍԱՆՅՈՒԹ
Քաղաքականություն
12.05.2026 | 13:00
«Եթե ուզում ես անվտանգ պետություն ունենալ, պետք է ունենաս ուժեղ բանակ»․ այսպես է սկսում քարոզարշավի 5-դ օրը «Միասնության թևեր» կուսակցության վարչապետի թեկնածու, նախկի ՄԻՊ Արման Թաթոյանը՝ դիմելով տավուշցիներին։
Նրա խոսքով՝ իշխանության գալու դեպքում առաջին քայլերից մեկը լինելու է բանակի ֆինանսավորման կտրուկ ավելացումը՝ պաշտպանական բյուջեն հասցնելով ՀՆԱ-ի 8 տոկոսի։
«Ամենաառաջինը պետք է ավելացնենք բանակի ֆինանսավորումը: Դա, տնտեսական լեզվով ասած, պետք է լինի մեր համախառն ներքին արդյունքի 8%-ը, որը նշանակում է առաջին տարում ֆինանսավորումն ավելացնել 1 միլիարդ դոլարով: Հենց առաջին տարին: Դրանից բացի, պետք է բարելավենք, ուժեղացնենք մեր զինվորականների, սպաների սոցիալական վիճակը, որ սպան, զինվորականը ոչ թե սոցիալական բեռ դիտվեն պետության համար, այլ երկրի անվտանգության հենասյուն»,- ասաց Թաթոյանը։
Նա կարևորում է բանակի կառավարման համակարգի փոփոխությունը՝ առաջարկելով ավելի «մոբիլ» բանակի մոդել, որտեղ տեղում որոշումներ կայացնելու լիազորություններ կունենան հենց զինվորականները։ Նրա խոսքով՝ գործող համակարգում չափազանց շատ բան է կախված քաղաքական ղեկավարությունից, մինչդեռ ռազմական իրավիճակներում անհրաժեշտ են արագ և ինքնուրույն որոշումներ։
Մանրամասները՝ տեսանյութում։
