Ձեր դպրոցին հլը ձեռք չե՞ն տվել, սպասեք, հեսա դրան էլ են հասնելու. Քոչարյանը՝ դպրաբակցուն․ ՏԵՍԱՆՅՈՒԹ

Քարոզարշավի չորրորդ օրը «Հայաստան» դաշինքը Գեղարքունիքի մարզում է։ Քաղաքական ուժի վարչապետի թեկնածու Ռոբերտ Քոչարյանն ու թիմն առաջինն այցելեցին Դպրաբակ, որտեղ հանդիպեցին գյուղական բնակավայրի բնակիչների հետ՝ քննարկելով նրանց հուզող սոցիալական, տնտեսական և կենցաղային խնդիրները։ Գյուղացիները բարձրաձայնեցին գազիֆիկացման բացակայության, անտառների վերահսկողության խստացման և բնակարանային ծանր պայմանների մասին։

Հանդիպման ընթացքում Ռոբերտ Քոչարյանն անդրադարձավ «պետական համակարգում տիրող անարդարությանը»։

«Դատախազությունը, Քննչական կոմիտեն և մյուս կառույցները ստանում են աշխատավարձի բարձրացում առանց որևէ ատեստավորման։ Փոխարենը՝ պետությունը ատեստավորում է պահանջում բանակից և ուսուցիչներից։ Այդ մոտեցումը լրիվ փոխելու ենք, դա պետք է վերանայվի»,- հայտարարեց Քոչարյանը։

Բնակիչներն քաղաքական թիմի հետ զրույցում դժգոհություն հայտնեցին, որ հարևան գյուղերում բնական գազ կա, սակայն իրենց մոտ այն դեռևս անհասանելի է։ Բացի այդ, անտառներում ներդրված «էկո-պարեկները» թույլ չեն տալիս մարդկանց վառելափայտ բերել, ինչը ձմռան ամիսներին կանգնեցնում է գյուղացուն փակուղու առաջ։ Քոչարյանը հիշեցրեց, որ իր պաշտոնավարման տարիներին շատ գյուղեր են գազիֆիկացվել, և շեշտեց՝ այս հարցերը ևս պետք է վերանայվեն։

Բնակիչներից մեկը պատմեց, որ սոցիալապես ծանր վիճակում է գտնվում, 16 տարի վարձով է ապրում, սակայն այժմ տանտերը վաճառում է տունը, և ընտանիքը կարող է մնալ «բաց երկնքի տակ»։ Նա նշեց, որ որդին պայմանագրային զինծառայող է, սակայն պետությունից որևէ աջակցություն չեն ստանում. «Պետությունը պետք է իրականացնի սոցիալական շինարարություն։ Իմ պաշտոնավարման տարիներին Գյումրիի և Սպիտակի վերականգնման ժամանակ պետության հաշվին բնակարաններ են կառուցվել քաղաքացիների համար։ Պետական ճիշտ մոտեցման դեպքում հնարավոր է 2-3 տարում լուծել բոլորի բնակարանային հարցը»։

Մանրամասները՝ տեսանյութում։