03.08.2026 | 20:47
Վաղը Նորքի 9-րդ զանգվածի որոշ հասցեներում գազանջատումներ կլինեն
«Թշնամին հասկանում է, որ դիմացը հարիֆ ա, վախեցած, կզած»․ Քոչարյան․ ՏԵՍԱՆՅՈւԹ
Քաղաքականություն
10.05.2026 | 12:24
«Ու՞մ է պատկանում «հարբեցող, ծաղրածու» արտահայտությունը, և ու՞մ մասին է, գիտե՞ք։ Ասել է Ալիևը՝ Նիկոլ Փաշինյանին։ Քաղաքականության մեջ կա հետևյալը՝ եթե դու վախկոտ ես, եթե դու վախացած ես, դու պատերազմի համար «էստի համեցեք» ես»,-այս մասին Գեղամասարում նախընտրական քարոզչության ժամանակ ասաց «Հայաստան» դաշինքի վարչապետի թեկնածու Ռոբերտ Քոչարյանը։
«Հիմա Հայաստանի իշխանությունը պատերազմի ամենից մեծ սպառնալիքն է, որովհետև իր հետ շփվելով, իրեն գնահատելով, հարևանը հասկանում է, որ դիմադրություն չի լինելու, որ դիմացը հարիֆ է, վախկոտ, կզած։ Եվ եթե ուզում ենք մենք ոտի վրա կանգնենք, գլուխ բարձրացնենք, և ուզում ենք խաղաղություն ունենալ, ուրեմն մեր արժանապատվությունը պետք է լինի այն հենարանը, որի վրա այդ խաղաղությունը պետք է կառուցես։ Ուրիշ ուղղակի տարբերակ, ժողովուրդ ջան, չկա։ Չկա։
Այդ արտահայտությանը որևէ կերպ Հայաստանի Հանրապետության վարչապետը չի էլ արձագանքել, բան էլ չի ասել, ոնց որ իրեն չեն ասում։ Մենք պետք է սա այդ վիրավորանքն ընդունենք մեր հասցեին, որովհետև քո երկրի առաջին դեմքի մասին է դա։ Նվաստացնում է երկիրը, նվաստացնում է ժողովուրդը»,-ասաց Քոչարյանը։
Մանրամասները՝ տեսանյութում։
