07.08.2026 | 16:00
ԱՄՆ-ում դատարանը Мeta-ին պարտավորեցրել է 567 մլն դոլար վճարել սոցցանցերում երեխաներին պատճառված վնասի համար
Վաղվա Հայաստանի խորհրդանիշը բահն է․ Նարեկ Կարապետյանը՝ Փաշինյանի մուրճին ի պատասխան. ՏԵՍԱՆՅՈՒԹ
Քաղաքականություն
08.05.2026 | 22:21
Նախընտրական հանրահավաքի ժամանակ «Ուժեղ Հայաստան» կուսակցության նախընտրական ցուցակը գլխավորող Նարեկ Կարապետյանը բեմ է բերել մուրճ և բահ՝ պատկերավոր համեմատություն անցկացնելով գործող իշխանությունների գործելաոճի և իրենց թիմի նպատակների միջև։
Ցուցադրելով մուրճը՝ Կարապետյանը նշել է․ «Մարդ կա, որ էս մուրճը ժողովրդի վրա ճոճում ու սպառնում ա։ Սա այսօրվա Հայաստանի խորհրդանիշն ա. սեփական ժողովրդի վրա մուրճ ճոճելն ու նսեմացնելը»։
Որպես իրական փոփոխությունների և վաղվա Հայաստանի խորհրդանիշ՝ նա բարձրացրել է բահը. «Բահը շինարարության և կառուցելու մասին ա։ Վաղվա ուժեղ Հայաստանը ծաղկեցնելու ա էդ հողերը, էդ գյուղերը կառուցելու ա»։
Նարեկ Կարապետյանն ընդգծել է, որ երկրում հազարավոր հեկտարներ անմշակ են մնացել, իսկ Արցախից տեղահանվածները, գյումրեցիներն ու սպիտակցիները բնակարանի խնդիր ունեն։ Նա խոստացել է հենց այդ բահով կառուցել 20 հազար բնակարան:
Որպես արդյունավետ աշխատանքի օրինակ հիշատակելով տարիներ առաջ Տաշիրում իրենց թիմի կառավարման փորձը՝ Կարապետյանն ամփոփել է․ «Էս անգամ գործը շատ ա, երկիրը քարուքանդ ա, զրոյից պետք ա սկսենք։ Բայց պետք ա աշխատենք իրար հետ, և վստահ եմ՝ կառուցելու ենք մեր երկիրը»։
