15.08.2026 | 12:45
Ինդոնեզիայում 7,7 մագնիտուդով երկրաշարժ է տեղի ունեցել․ առնվազն 20 զոհ կա
Փաշինյանը Էրդողանի գիրքը կրծքին է սեղմում, իսկ Արցախի մասին գիրքը համարում սադրանք. Աննա Գրիգորյան. ՏԵՍԱՆՅՈՒԹ
Քաղաքականություն
08.05.2026 | 19:50
«Ուղիղ ութ տարի առաջ մի խումբ մարդիկ եկան իշխանության՝ սիրո և համերաշխության լոզունգներով։ Ժամանակը ցույց տվեց, որ սերն ու համերաշխությունը բաժին հասան Ալիևին և Էրդողանին, իսկ մեր ժողովրդին բաժին հասավ պառակտումը, միմյանց նկատմամբ ատելությունն ու թշնամանքը»,- այս մասին քարոզարշավի առաջին օրը Էջմիածնում հայտարարեց ԱԺ պատգամավոր Աննա Գրիգորյանը։
«Հիմա վերջինս Էրդողանից նվեր ստացած գիրքը կրծքին է սեղմում, իսկ Արցախի ջարդերի մասին նվիրված գիրքը համարում է սադրանք։ Ժամանակին հպարտությամբ ասում էր՝ Արցախը Հայաստան է, և վերջ, հիմա նույն ցինիկ հպարտությամբ ասում է՝ Արցախը Ադրբեջան է, և վերջ։ Ութ տարի առաջ Շուշիում պար էր բռնում ու հետո Շուշին անվանում դժգույն ու դժբախտ։
Մի ժամանակ Ռուբեն Վարդանյանի, Բակո Սահակյանի, Արայիկ Հարությունյանի և մյուսների հետ մի սեղանին հաց էին կիսում, իսկ այսօր, երբ մեր երկրում Ալիևը նրանց ռազմական հանցագործ է անվանում, չի համարձակվում նույնիսկ մի ծպտուն հանել։ Սա ուղղակի խայտառակություն է»,- ասաց նա։
Մանրամասները՝ տեսանյութում։
