Փաշինյանը հունից դուրս եկավ, ասաց՝ մեծ-մեծ խոսող գեներալները ֆորսաժով փախել են․ ՏԵՍԱՆՅՈՒԹ

Նիկոլ Փաշինյանը Կոռնիձորում բնակիչների հետ հանդիպման ժամանակ հայտարարել է, որ երկար տարիներ հայ հասարակությանը համոզել են, թե որոշ տարածքներ պատկանում են Հայաստանին, մինչդեռ այդ պատկերացումները, ըստ նրա, հանգեցրել են նրան, որ թուլացել է Հայաստանի միջազգայնորեն ճանաչված տարածքների նկատմամբ սեփականության զգացողությունը։

«Մենք տարածքներ չենք կորցրել, որովհետև էն տարածքները, որոնք մեր իրականության մեջ փորձառվել և ինքներս մեզ հավատացրել ենք, որ դրանք մեր տարածքներն են, մեզ են պատկանում, էդ տարածքները մեզ ոչ միայն չեն պատկանել, այլև էդ տարածքները օգտագործվել են նրա համար, որ մենք մեր միջազգայնորեն ճանաչված տարածքների նկատմամբ մեր պատկանելիության և սեփականության իրավունքը թուլանա, թուլանա, թուլանա: Մենք շատ դժվար ճանապարհով ենք գնացել և շատ դժվար արձանագրումներ ենք արել: Էդ արձանագրումներից ամենադժվարը եղել է այն, որ մեր պետությունը իր ստեղծման առաջին օրից՝ 1991 թվականից, գտնվել է թակարդում: Եվ մենք ձեզ հետ միասին ունեցել ենք համարձակություն առերեսվել էդ ճշմարտության հետ: Եվ մենք էսօր մեր պետությունը թակարդից հանել ու դրել ենք բոլորովին այլ զարգացման տրամաբանության վրա: Մենք հաղթահարել ենք մաքառման, գոյատևման տրամաբանությունը և դուրս ենք եկել զարգացման տրամաբանություն։ Ասում են՝ ազատագրված տարածքներ, էդ ամբողջ տարածքները չի՞ եղել չորս-հինգ գեներալի վերահսկողության ներքո, որտեղ իրենք ընդամենը ցորեն են ցանել, չգիտեմ ինչ են արել… թալանել են: Եվ մենք՝ որպես պետություն և ժողովուրդ, դրա պատասխանն ենք տվել »,- ասաց Նիկոլ Փաշինյանը։

Մանրամասները՝ տեսանյութում։