21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
Նիկոլ Փաշինյանը զբաղված է շանտաժով․ «Միասնության թևերը» քարոզարշավն սկսեց Գոշավանքից․ ՏԵՍԱՆՅՈՒԹ
Քաղաքականություն
08.05.2026 | 16:25
«Մենք քարոզարշավը որոշեցինք սկսել Գոշավանքից, որովհետև այն մեզ համար նաև արդարությունն է խորհրդանշում. արդարությունը, իրավունքը մեզ համար կարևորագույն արժեքներ են»,- այս մասին վանքի տարածքում հայտնեց «Միասնության թևեր» կուսակցության առաջնորդ Արման Թաթոյանը։
Նրա խոսքով՝ բոլոր ուժերն են այսօր խոսում խաղաղության մասին, ոչ ոք չի ասում, որ Հայաստանին պատերազմ է պետք։ Նիկոլ Փաշինյանի այն պնդումներն էլ, որ եթե նրանք իշխանության չլինեն, ապա պատերազմ է լինելու, Թաթոյանը ՔՊ-ի հնարածն է համարում։
«Այսպես իշխանությունը փորձում է թաքցնել, քողարկել այն հարցը, թե ինչու են նրանք ձախողել մեր երկրի անվտանգության համակարգը այն աստիճան, որ հիմա մեզ սպառնում են պատերազմով, և դեռ մի հատ էլ պահանջներ են ներկայացնում, իսկ իշխանությունը ոչ միայն տուրք է տալիս, այլ ասում է՝ անպայման պետք է անենք, որովհետև պատերազմ կլինի։ Հարց է առաջանում՝ որտե՞ղ ենք մենք տեսել երկրի ղեկավար, որ անվտանգության համակարգը այն աստիճան չի կարողացել զարգացնել, ընդհանրապես չի կարողացել, որ ոչ միայն չկարողանա, որևէ մեկը սպառնա պատերազմով, այլ ասում է՝ եթե ես չլինեմ, պատերազմ կլինի։
Քանի՞ կոպեկ արժե արդեն այնպիսի մարդու ղեկավար լինելը, որ ընդամենը զբաղված է մեր ժողովրդին շանտաժի ենթարկելով»,- ասաց նա։
Մանրամասները՝ տեսանյութում։
