10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Այս ընտրապայքարը մեզ համար դրական արդյունքներով է պսակվելու․ Արա Պապյան․ ՏԵՍԱՆՅՈՒԹ
Քաղաքականություն
08.05.2026 | 15:29
Ազգային-ժողովրդավարական Բևեռը Ազգային ժողովի շենքի դիմացից մեկնարկեց քարոզարշավը՝ վստահություն հայտնելով, որ այն ավարտվելու է իրենց համար դրական արդյունքներով։
«Մենք եղել և մնում ենք գաղափարական կուսակցություն։ Գաղափարներով, տարիներ ի վեր հավատարիմ մնալով այդ պայքարին, այսօր դիտարկում ենք նաև պայքարի այս ձևը։ Ես ուզում եմ հիշել նաև մեր ընկերներին, որ իրենց պայքարի զոհասեղանին դրեցին և հիմա անազատության մեջ են։ Բոլորին մեր ողջույններն եմ հղում, մասնավորապես մեր վարչապետի թեկնածու Վարուժան Ավետիսյանին և նրա միջոցով՝ բոլորին։ Պայքարը պսակվելու է հաջողությամբ, որովհետև մեր գաղափարները ազգի սրտից են բխում։ Պատահական չէ, որ մենք կոչվում ենք Ազգային-ժողովրդավարական Բևեռ, որովհետև ազգային իղձերը, ազգային ցանկությունները, նպատակները մեր ծրագրային հիմնադրույթներն են կազմում։ Եվ այդպիսին եղել են տարիներ ի վեր, և շատ անձանց համար՝ տասնամյակներ ի վեր»,- ասաց ԱԺԲ անդամ Արա Պապյանը։
Նա հայտարարեց, որ խաղաղությունը չի կարող հիմնված լինել «թշնամու պարտադրանքի կամ ողորմածության» վրա՝ շեշտելով, որ այն հնարավոր է ապահովել միջազգային իրավունքի հիման վրա հարցերի լուծմամբ և տարածաշրջանում ռազմաքաղաքական հավասարակշռության վերականգնմամբ։
Մանրամասները՝ տեսանյութում։
