06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Առաջարկել եմ, որ Խաղաղության համաձայնագրին կից պետք է լինի քարտեզ, դա չկա․ Մարուքյան. ՏԵՍԱՆՅՈՒԹ
08.05.2026 | 14:05
«Լուսավոր Հայաստան» կուսակցությունը քարոզարշավը սկսել է Երասխից՝ չկառուցված մետալուրգիական գործարանի տարածքից՝ այն անվանելով Հայաստանի ինքնիշխանության խորհրդանիշ։
«Մեզ համար Հայաստանի Հանրապետության Սահմանադրության առաջին հոդվածն առանցքային, հիմնարար նշանակություն ունի։ Իսկ այդ հոդվածը խոսում է Հայաստանի Հանրապետության ինքնիշխանության մասին։ Ահա այն ինքնիշխանության սիմվոլը, որն այսօր Հայաստանն ունի։ Սա Երասխի մետալուրգիական գործարանն է՝ որպես սիմվոլ, որովհետև այսօրվա կառավարությունը երկու տարի առաջ Ադրբեջանի պահանջով Հայաստանի Հանրապետության ինքնիշխան տարածքում դադարեցրել է Երասխի մետալուրգիական գործարանի շինարարությունը, որը կառուցվում էր ամերիկյան ներդրողների կողմից։ Այսինքն՝ ամերիկյան ներդրողները Երասխում՝ Հայաստանի Հանրապետության ինքնիշխան տարածքում, սկսել էին կառուցել մետալուրգիական գործարան, Ադրբեջանը սկսեց կրակել, վիրավորել նաև գործարանի վրա աշխատող բանվորներին, և գործարանի շինարարությունը դադարեցվեց։ Հետագայում այն տեղափոխվեց այլ վայր»,- ասաց ԼՀԿ-ի նախագահ Էդմոն Մարուքյանը։
Նա հայտարարեց, որ իշխանությունների խոսքերը Հայաստանի «աննախադեպ ինքնիշխանության» մասին հակասում են իրականությանը, երբ հարևան երկիրը կարողանում է խոչընդոտել Հայաստանի տարածքում գործարանի կառուցումը։ Նրա խոսքով՝ հունիսի 7-ի ընտրությունները վերաբերում են ոչ թե սոցիալական խոստումներին, այլ հայկական պետականության պահպանմանը։
«Այն Հայաստանի Հանրապետությունը, որը մենք ուզում ենք հունիսի 7-ից հետո, չի կարող նման նվաստացած վիճակում լինել»,- ասաց Մարուքյանը։
Մանրամասները՝ տեսանյութում։
