24.10.2026 | 12:06
Մալխաս Ամոյանը սենսացիոն պարտություն կրեց աշխարհի առաջնությունում. ՏԵՍԱՆՅՈՒԹ
Խորհուրդ չենք տալիս. Զելենսկին՝ Մոսկվայում Մայիսի 9-ի շթերքին օտարերկրյա առաջնորդների մասնակցության մասին
Քաղաքականություն
08.05.2026 | 10:42
Ուկրաինայի նախագահ Վլադիմիր Զելենսկին հայտարարել է, որ խորհուրդ չի տալիս օտարերկրյա առաջնորդներին մասնակցել մայիսի 9-ի շքերթին Մոսկվայում: Նա հիշեցրել է, որ Ռուսաստանը մերժել է Ուկրաինայի առաջարկը մայիսի 6-ից հրադադարի մասին, ի պատասխան՝ «միայն նոր ռուսական հարվածներ են եղել, Ռուսաստանից նոր սպառնալիքներ», գրում է Current time-ը:
«Նրանք ուզում են Ուկրաինայից թույլտվություն իրենց շքերթն անցկացնելու համար, որպեսզի կարողանան անվտանգ կերպով տարին մեկ անգամ մեկ ժամով դուրս գալ հրապարակ, ապա վերադառնալ մեր ժողովրդին սպանելուն և կռվելուն։ Ռուսներն արդեն խոսում են մայիսի 9-ից հետո հարվածների մասին։ Ռուսաստանի ղեկավարության տրամաբանությունը տարօրինակ է և ոչ ադեկվատ։ Կան նաև Ռուսաստանին մոտ որոշ երկրներից դիմումներ, որ իրենց ներկայացուցիչները ծրագրում են լինել Մոսկվայում։ Տարօրինակ ցանկություն է այս օրերին։ Մենք խորհուրդ չենք տալիս»,- ասել է Զելենսկին։
Նա հավելել է, որ Ուկրաինան «կգործի հայելային». «Ուկրաինայի դիրքորոշումը հնարավորինս թափանցիկ և ազնիվ է. Ուկրաինան կգործի նույն կերպ։ Եթե լռություն լիներ, ուկրաինական պատժամիջոցներ չէին լինի»։
Ռուսաստանը նախկինում միակողմանիորեն հրադադար էր հայտարարել մայիսի 8-ին և 9-ին՝ սպառնալով Ուկրաինային զանգվածային հարված հասցնել Կիևի կենտրոնին, եթե շքերթը խափանվի, և «համարժեք պատասխան» տալ հրադադարի խախտման դեպքում։ Զելենսկին առաջարկել էր հրադադար հայտարարել մայիսի 6-ից, բայց Ռուսաստանն անմիջապես խախտել էր այն՝ հարվածներ հասցնելով ուկրաինական քաղաքներին։
Մոսկվայում կայանալիք շքերթը գրեթե 20 տարվա ընթացքում առաջին անգամ կանցկացվի առանց ռազմական տեխնիկայի ներգրավման։
Թարգմանությունը՝ Էմմա Չոբանյանի
