07.08.2026 | 15:16
Գարեգին Բ-ն և 6 եպիսկոպոսներն այսօր կկանգնեն դատարանի առաջ․ ինչպես հոգևորականները դարձան մեղադրյալ
Գեղամ Մանուկյանը պնդում է՝ ՔԿ-ն իր հեռախոսն առգրավել է, անձնական նամակներն է տեսել․ ՏԵՍԱՆՅՈՒԹ
Քաղաքականություն
07.05.2026 | 18:19
Քննչական կոմիտեն քարոզչական մարմին է։ Այս մասին ԱԺ-ում հայտարարեց պատգամավոր Գեղամ Մանուկյանը։
«Ես մեկ օրինակ նույն Դաշնակցության օրինակով ասեմ։ 2026 թվականի հուլիսի 7-ին ձերբակալվում են վեց-յոթ տղա, այդ թվում՝ իմ որդին։ Ընդ որում, նրանցից չորսը, որը հաստատ իրավապահներին հայտնի է, ունեն որսորդական զենքեր կրելու օրինական իրավունքներ։ 7-ից, թե 6-ից 4-ի տանը կան օրինական զենքեր։ Ի՞նչ է անում մեր քարոզչաքննչական կոմիտեն. նկարում է այդ բոլոր զենքերը։ Հա, այնտեղ մի հատ էլ մայկա կար՝ «Մահ կամ ազատություն» վրեն գրած, երևի քննիչները համարել էին քրեական հանցանք։ Նկարեց այդ ամեն ինչը՝ կանխվել է ահաբեկչական խմբավորում, ահաբեկչություն, զենքեր, հարայ-հուրույ, հասե՛ք, Դաշնակցությունը զենքերով էլի ահաբեկչություն է պլանավորում։
Ի՞նչ եղավ։ Չորս օր հետո այդ բոլոր տղերքին ԿՊԶ-ից թողեցին առանց մեղադրանքի, մի քանի ամիս հետո եկան ասացին՝ տղե՛րք, եկե՛ք ձեր զենքերն էլ տարեք։ Ոչ մի բան չկար։ Մնաց էն մամլո հաղորդագրությունը, որ տարածում էր Քննչական կոմիտեն՝ զենքեր, ահաբեկչություն, էսպես-էնպես»,- ասաց Մանուկյանը։
Պատգամավորն անդրադարձավ նաև ՔԿ-ի կողմից իր հեռախոսի առգրավմանը։
Մանրամասները՝ տեսանյութում։
