02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Ընտրություններից հետո ես լինելու եմ վարչապետ, եկեք անիմաստ բաներ չքննարկենք. Սամվել Կարապետյանը` պլան Բ-ի մասին․ ՏԵՍԱՆՅՈՒԹ
Քաղաքականություն
07.05.2026 | 13:28
Լրագրողները «Ուժեղ Հայաստան» կուսակցության նախագահ Սամվել Կարապետյանից հետաքրքրվել են՝ քաղաքական ուժը «Պլան Բ» ունի՞ այն դեպքում, եթե ընտրություններին մասնակցելու հետ կապված իրենց գրանցումը չեղարկվի։
«Գիտե՞ք, այդ «Պլան Բ»-ն ունի հայ ժողովուրդը։ Այսինքն, ես ի՞նչ պետք է անեմ մենակ։ Դրա համար հաստատ հայ ժողովուրդը ունի բոլոր պլանները, քանի որ մենք գնում ենք բացարձակ հաղթանակի։ Եվ վստահ ենք դրա մեջ։ Ես միայն սոցհարցումների վրա չեմ հիմնվում։ Ես հիմնվում եմ նաև Փաշինյանի բացարձակ ցածր ռեյտինգի վրա, ինչը, երևի, դուք ինձնից լավ եք տեսնում։ Դրա համար, մենք անում ենք հիմա առաջին քայլը։ Մենք գնում ենք ընտրությունների՝ օրինական ճանապարհով։ Թույլ չտալով ոչ մի ապօրինություններ մեր կողմից։ Բայց դուք էլ տեսնում եք մեր նկատմամբ կիրառվող բոլոր ապօրինությունները, բայց դուք մի՛ անհանգստացեք։ Իրենք ուրիշ ձև չունեն, 25% ռեյտինգ ունենալով, իրենք չեն կարող ոչ մի իշխանություն ունենալ Հայաստանում»,- ասաց նա։
Լրագրողի հստակեցնող հարցին՝ իսկ ընտրություններից հետո, եթե չլինեն իշխանություն, ո՞րն է լինելու նրանց հաջորդ քայլը։
«Ընտրություններից հետո ես լինելու եմ վարչապետ։ Եկե՛ք անիմաստ բաներ չքննարկենք այսօր»,-արձագանքեց Կարապետյանը։
Մանրամասները՝ տեսանյութում։
