28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Զելենսկին հայտարարել է, որ ռուսական բանակը «լռության ռեժիմը» խախտել է 1820 անգամ
Քաղաքականություն
06.05.2026 | 16:44
Ուկրաինայի նախագահ Վլադիմիր Զելենսկին հայտարարել է, որ «ռուսական կողմը խախտել է հրադադարը», գրում է BBC-ի ռուսական ծառայությունը։
Նա հիշեցրել է «երեկվա դաժան հարձակումները» Դնեպրի, Զապորոժիեի, Կրամատորսկի և Ուկրաինայի այլ քաղաքների ու համայնքների վրա՝ հավելելով, որ «այս գիշեր և առավոտյան գրանցվել է ավելի քան 20 ավիահարված՝ շուրջ 70 ռումբի օգտագործմամբ»։
«Ընդհանուր առմամբ, առավոտյան ժամը 10:00-ի դրությամբ՝ ռուսական բանակը լռության ռեժիմը խախտել է 1820 անգամ՝ հրետակոծություններ, հարձակման փորձեր, ավիահարվածներ և անօդաչու թռչող սարքերի օգտագործում»,- գրել է Ուկրաինայի նախագահը։
Նա հիշեցրել է՝ Կիևն ի սկզբանե հայտարարել էր, որ կգործի «հայելային» ձևով։
«Մեր զինվորականների և հետախուզության երեկոյան զեկույցների հիման վրա մենք կորոշենք հետագա գործողությունները»,- եզրափակել է Զելենսկին։
Առավոտյան հաղորդագրության մեջ Ռուսաստանի Պաշտպանության նախարարությունը պնդել էր, որ ՀՕՊ-ը գիշերը խոցել է ուկրաինական 53 անօդաչու թռչող սարք։
Թարգմանությունը՝ Էմմա Չոբանյանի
