03.11.2026 | 18:27
Սպիտակ տունը հայտարարել է Մելանյա Թրամփի մասնակցությամբ՝ Վաշինգտոնում ՌԴ-ի և Ուկրաինայի ներկայացուցիչների հանդիպման մասին
Կքննարկենք ապատեղեկատվության և հիբրիդային սպառնալիքների դեմ պայքարի հարցը․ Ռոբերտա Մեցոլան՝ Երևանում․ ՏԵՍԱՆՅՈՒԹ
Քաղաքականություն
04.05.2026 | 11:53
Այսօր կքննարկենք ապատեղեկատվության և հիբրիդային սպառնալիքների դեմ պայքարի հարցը: Այս մասին Երևանում Եվրոպական քաղաքական գագաթնաժողովին ժամանելիս լրագրողների հետ ճեպազրույցում հայտարարել է Եվրոպական խորհրդարանի նախագահ Ռոբերտա Մեցոլան:
«Մի քանի օր առաջ մենք մեծամասնությամբ ընդունեցինք բանաձև, որը ողջունում է Հայաստանի հանձնառնությունը ուժեղ ժողովրդավարությանը, նաև եվրոպական արժեքներին, որոնք մենք կիսում ենք»,- ասել է Մեցոլան՝ հիշեցնելով նաև ավելի վաղ Եվրախորհրդարանում ՀՀ վարչապետ Նիկոլ Փաշինյանի ելույթը:
Նա նաև ողջունել է Կանադայի վարչապետ Մարկ Քարնիի մասնակցությունը միջոցառմանը:
Ռոբերտա Մեցոլան նշել է, որ «քննարկելու են ապատեղեկատվության ու հիբրիդային սպառնալիքների դեմ պայքարը, պատերազմները, որոնք ոչ միայն գետնի վրա են, այլև թվային ոլորտում»: Նա խոսել է նաև արեստական բանականության առաջ բերած խնդիրներից՝ նշելով, որ պետք է քաղաքական կամք՝ իր նշած խնդիրները լուծելու համար, և համոզված է, որ այդ քաղաքական կամքը կգտնեն:
Թարգմանությունը՝ Էմմա Չոբանյանի
