27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
Առանց անվտանգության չի լինի ո՛չ տնտեսություն, ո՛չ զարգացում․ Արա Այվազյան․ ՏԵՍԱՆՅՈՒԹ
Քաղաքականություն
28.04.2026 | 17:46
«Բարգավաճ Հայաստան» կուսակցությունը ներկայացնում է նախընտրական ծրագիրը, որը ներառում է տասը հիմնական առաջարկ։
ՀՀ նախկին արտգործնախարար Արա Այվազյանը, որը հիմա Ծառուկյանի թիմում է և ԲՀԿ-ի նախընտրական ցուցակի 4-րդ համարը, նշեց, որ առաջիկա խորհրդարանական ընտրություններում հասարակությունը պետք է գնահատի, թե որ ուժի գաղափարներն են առավել արժանահավատ և իրատեսական՝ երկիրը ներկայիս ծանր իրավիճակից դուրս բերելու համար։
«Մենք վստահ ենք, որ Հայաստանն ունի զարգանալու բոլոր նախադրյալները: Եվ մեր խնդիրը ոչ թե փոքր երկիր լինելն է, ոչ թե սակավաթիվ բնակչություն ունենալն է, այլ կառավարման և կառավարելիության խնդիրն է: Եվ եթե մեր երկիրը ճիշտ կազմակերպվի, ունենա միասնություն և արդյունավետ պետական համակարգ, ապա մեր տաղանդաշատ, ստեղծարար և կրթված ժողովրդի հետ միասին մենք շատ կարճ ժամանակում կապահովենք մեր երկրի վերելքը:
Այս ամենը հնարավոր է, բայց կա մի առանցքային գործոն՝ անվտանգությունը: Եվ առանց անվտանգության չի լինի ո՛չ տնտեսություն, ո՛չ զարգացում, ո՛չ ներդրումներ: Հետևաբար, արտաքին և անվտանգային քաղաքականությունն այն ողնաշարն է, որը ապահովում է մեր երկրի կենսունակությունը և զարգացումը, և այդ բաժինը ես իմ գործընկերների հետ ներկայացրել եմ, ամբողջացրել եմ և շուտով կներկայացնենք ձեր ուշադրությանը»,- ասաց Այվազյանը։
Մանրամասները՝ տեսանյութում։
