06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Վրաստանի հետ սահմանների սահմանազատման հետ կապված վրաց գործընկերների հետ պայմանավորվածություններ կան․ Փաշինյան․ ՏԵՍԱՆՅՈՒԹ
Քաղաքականություն
27.04.2026 | 12:40
Շնորհավորելով բոլորիս Սահմանապահի օրվա առիթով, ուզում եմ սահմանապահ զորքերի բոլոր ծառայողներին շնորհակալություն հայտնել իրենց ծառայության համար։ Այս մասին իր ելույթում նշել է վարչապետ Նիկոլ Փաշինյանը՝ ԱԱԾ սահմանապահ զորքերի օրվա առթիվ կազմակերպված միջոցառմանը։
«Կարևոր նորությունը, որ մենք ունենք, արդեն երկու տարի, Հայաստանի Հանրապետության սահմանների վերաբերյալ այն է, որ Ադրբեջանի հետ ունենք սահմանազատված և սահմանագծված 12 կիլոմետրանոց սահմանային հատված, որտեղ ծառայություն են իրականացնում Հայաստանի Հանրապետության սահմանապահ զորքերը։ Եվ սա նույնպես շատ կարևոր և բացառիկ իրավիճակ է, և պիտի արձանագրեմ, որ այդ 12 կիլոմետրը Հայաստանի Հանրապետության և Ադրբեջանի Հանրապետության սահմանի թերևս միակ հատվածն է, որտեղ Հայաստանի և Ադրբեջանի զինված ուժերի ներկայացուցիչները ծառայություն են իրականացնում առանց սաղավարտների, առանց զրահաբաճկոնների, և ինքնաձիգների պահունակները ոչ թե ինքնաձիգների վրա, այլ պայուսակների մեջ դրած։
Մենք օրակարգում, իհարկե, ունենք նաև Վրաստանի հետ մեր սահմանի սահմանազատման ամփոփման օրակարգը, և վրաց գործընկերների հետ այս մասին արդեն պայմանավորվածություններ ունենք։ Եվ սրանով, ըստ էության, Հայաստանի Հանրապետության սահմանների սահմանազատումը և սահմանագծումը կամփոփվի, և մեր պետությունը իր միջազգայնորեն ճանաչված տարածքում ավելի վստահ ձևով զարգացման օրակարգի վրա կենտրոնանալու հնարավորություն կունենա»,- նշեց նա։
Մանրամասները՝ տեսանյութում։
