16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Քաղաքականություն
22.04.2026 | 11:36
ԱՄՆ նախագահ Դոնալդ Թրամփը հայտարարել է, որ Իրանը, վերջին հաշվով, ցանկանում է, որ Հորմուզի նեղուցը վերաբացվի, սակայն պնդել է, որ իրանական նավահանգիստների շրջափակման վերացումը կխաթարի խաղաղության համաձայնագրի հեռանկարները, գրում է CNN-ը։
«Իրանը չի ուզում, որ Հորմուզի նեղուցը փակ լինի, նրանք ուզում են, որ այն բացվի, որպեսզի կարողանան օրական 500 միլիոն դոլար վաստակել։ Նրանք ասում են, որ ուզում են այն փակել միայն այն պատճառով, որ ես այն լիովին շրջափակել եմ, ուստի նրանք պարզապես ուզում են «փրկել իրենց դեմքը»։ Չորս օր առաջ մարդիկ մոտեցան ինձ և ասացին՝ «Իրանը ցանկանում է անմիջապես բացել նեղուցը»։ Բայց եթե մենք դա անենք, երբեք չի կարող գործարք լինել Իրանի հետ, եթե մենք չպայթեցնենք նրանց երկրի մնացած մասը, այդ թվում՝ նրանց առաջնորդներին»,- գրել է Թրամփը Truth Social-ում։
Այս մեկնաբանությունները հնչում են այն բանից հետո, երբ Թրամփն ավելի վաղ հայտարարել էր, որ երկարաձգում է հրադադարը Իրանի հետ՝ մինչև Թեհրանը չներկայացնի հակամարտությանը վերջնականապես վերջ դնելու առաջարկ։ Նա, միաժամանակ, ընդգծել էր, որ ԱՄՆ-ը կշարունակի շրջափակել իրանական նավահանգիստները։
Թարգմանությունը՝ Էմմա Չոբանյանի
