16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Վարորդների նկատմամբ սրտացավությունը ո՞ւր էր մինչ այս․ քաղաքական դիվիդենտներ են հավաքում․ փոխքաղաքապետ․ ՏԵՍԱՆՅՈՒԹ
Քաղաքականություն
21.04.2026 | 16:51
Երևանի քաղաքապետի տեղակալ Սուրեն Գրիգորյանը հանրային տրանսպորտում տեղի ունեցած հերթական բռնության դեպքը զարհուրելի և անընդունելի որակեց։
«Դանակահարություն ասվածը շատ ահագնացող է հնչում: Փառք Աստծո, վարորդի հետ ամեն ինչ նորմալ է, արդեն տանն է, այսինքն՝ բժշկական հսկողության տակ գտնվելու անհրաժեշտություն էլ չի եղել, ինչը իրականում չի չեղարկում էն փաստը, որ շատ զարհուրելի ու անընդունելի դեպք է: Իրավապահները պետք է գործեն»,- ասաց Գրիգորյանը։
Փոխքաղաքապետը քննադատեց այն մոտեցումը, որ բռնության դեպքերը կապվում են քաղաքային իշխանությունների որոշումների հետ՝ նշելով, որ դա հաճախ քաղաքական շահարկումների արդյունք է։ Նրա խոսքով՝ բռնությունը պետք է միանշանակ դատապարտվի՝ առանց «բայց»-երի։
«Էդ երևույթը անընդհատ կա մեր հանրային տրանսպորտում: Բա էդքան սրտացավությունը վարորդների նկատմամբ ո՞ւր էր մինչև էս: Հիմա ուզում եք ես հավատամ, որ դա բացառապես սրտացավությո՞ւն է վարորդների նկատմամբ: Կներեք, չեմ հավատում: Էդ սրտացավությունը համեմված է քաղաքական շահով և էլի քաղաքական դիվիդենտներ հավաքելու ցանկությամբ, ինչը ընդհանրապես պատիվ չի բերում էն մարդկանց, որ դրա վրա են փորձում դիվիդենտ հավաքել», նշեց փոխքաղաքապետը։
Հիշեցնենք՝ երեկ ուշ երեկոյան Հալաբյան փողոցում դանակահարել են թիվ 8 երթուղին սպասարկող ավտոբուսի վարորդին, ըստ ՆԳՆ-ի՝ ուղևորը եղել է ոչ սթափ վիճակում։
Մանրամասները՝ տեսանյութում։
