13.05.2026 | 16:00
Հայաստանում հանտավիրուսի տարածման ռիսկը գնահատվում է ցածր․ ՀՎԿԱԿ
Ժամո եմ արել ՔՊ-ին, գնանք ման գանք, տեսնենք՝ ժողովուրդն ում է սիրում․ Մեսրոպ Մանուկյան․ ՏԵՍԱՆՅՈՒԹ
Քաղաքականություն
21.04.2026 | 15:56
Երևանի ավագանու «Մայր Հայաստան» խմբակցության անդամ Մեսրոպ Մանուկյանը լրագրողների հետ զրույցում պնդեց, որ վարորդների վրա դրված ուղեվարձը հավաքելու պահանջը ապօրինի է։ Նա ընդգծեց, որ վարորդը պետք է զբաղվի երթևեկության անվտանգությամբ, ոչ թե ուղևորներից գումար հավաքելով, և այդ իրավիճակը կարող է հանգեցնել լարվածության ու բախումների ավտոբուսներում, ինչին էլ վերջին շրջանում ականատես ենք լինում։
«Միանշանակ, դա ապօրինի հրահանգ է, որը տալիս է Տիգրան Ավինյանը, ուստի և գալիս ենք հովանավորչությանն ու անթողունակությանը: Այսինքն՝ չկա պետության մեջ մի կառույց, որ գա ասի՝ Տիգրան Ավինյան, դու ո՞վ ես, որ մարդուն ապօրինի հրահանգներ ես տալիս»,- նշեց Մանուկյանը։
Ավագանու ընդդիմադիր անդամը վերահաստատեց նաև իր հրապարակային մարտահրավերը քաղաքապետին՝ առաջարկելով միասին դուրս գալ փողոց և լսել քաղաքացիների կարծիքը։
«Վաղը չէ մյուս օրը՝ ժամը 12:00-ին, ժամադրություն եմ արել, իրար հետ գնանք, ման գանք փողոցում, մի հատ իրենց մասին ու իմ մասին կարծիք արտահայտեն»,- նշեց նա։
Մանրամասները՝ տեսանյութում։
