24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
«Հանրային ձայնը» չի կարող մասնակցել ընտրություններին, կսատարենք ընդդիմադիր ուժերին․ Արտակ Գալստյան․ ՏԵՍԱՆՅՈՒԹ
Քաղաքականություն
21.04.2026 | 12:49
«Հանրային ձայն» կուսակցությունը չի կարող մասնակցել առաջիկա ընտրություններին՝ տեխնիկական պատճառներով։ Այս մասին ասաց կուսակցության նախագահ Արտակ Սարգսյանը։
««Հանրային ձայնը» պատրաստվում էր մասնակցել ընտրություններին, սակայն «Հանրային ձայն» կուսակցության բոլոր փաստաթղթերը, կնիքը, կանոնադրությունը և այլն գտնվում է Քննչական կոմիտեում, կուսակցության գրասենյակը արդեն երեք տարի է՝ կապարակնքված է։ Մեր բոլոր դիմումներին՝ դատական երեք հատ գործով նույնպես բողոք ենք տարել, այդպես էլ ո՛չ փաստաթղթերը տվեցին, ո՛չ կնիքները տվեցին, ո՛չ կանոնադրությունը։ Ասեմ նաև ավելին՝ նույնիսկ արտահերթ համագումար անելու համար դիմեցինք azdarar.am-ին, azdarar.am-ը նույնպես մերժեց, դրա համար «Հանրային ձայնը» տեխնիկապես անհնար եղավ, որ ընտրություններին մասնակցի»,- ասաց Գալստյանը։
Անդրադառնալով նաև իր նկատմամբ կիրառված վարչական տուգանքին՝ Գալստյանը հայտնեց, որ 40 հազար դրամով տուգանվելու մասին տեղեկացել է միայն հայտարարությունից հետո։ Նրա խոսքով՝ իրենք չեն ստացել որևէ պատշաճ ծանուցում և մտադիր են բողոքարկել որոշումը դատարանում։ Նա նաև հավելեց, որ հայտարարագրի ուշ ներկայացման հարցում ունեն փաստական հիմնավորումներ՝ նշելով, որ մեկուկես ամիս շարունակ փորձել են Քննչական կոմիտեից ստանալ անհրաժեշտ հասանելիություն, սակայն այն չի տրամադրվել։
Մանրամասները՝ տեսանյութում։
