06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Բաքուն պարզաբանել է, թե Հայաստանից ինչ ներմուծման մասին է խոսքը
Քաղաքականություն
16.04.2026 | 19:40
Բաքուն պարզաբանել է, թե Հայաստանից Ադրբեջան 960 դոլարի ինչ ապրանքներ են ներմուծվել, որի մասին ադրբեջանական լրատվամիջոցներն այսօր ավելի վաղ հայտնել էին։ Հաղորդվում է, որ այս տարվա մարտին Նիդերլանդների Թագավորությունից ներմուծվել են 960 դոլար արժողությամբ վարդեր։ Տեղեկությունը տարածել է Պետական մաքսային կոմիտեն։
Նշվում է, որ «Արտաքին առևտրի մաքսային վիճակագրության հրապարակման կանոնների» 3.3 կետի համաձայն՝ գործընկեր երկիրը համարվում է ներմուծվող ապրանքների ծագման երկիր։ Սրա հետ կապված, վարդերը արտաքին առևտրի մաքսային վիճակագրության մեջ արտացոլվել են որպես Հայաստանից ներմուծում։
Ավելի վաղ հաղորդվել էր, որ Ադրբեջանը սկսել է ապրանքներ ներմուծել Հայաստանից։ Նշվել էր, թե այս տարվա մարտին Ադրբեջանն առաջին անգամ Հայաստանից ներմուծել է 960 դոլարի ապրանքներ։
Հավելենք, որ ըստ ՀՀ պետական եկամուտների կոմիտեի մաքսային վիճակագրության տվյալների՝ Հայաստանից Ադրբեջան արտահանման որևէ դեպք մաքսային մարմնի կողմից չի արձանագրվել։ Այս մասին Factor TV-ի հարցմանն ի պատասխան՝ հայտնել են Պետական եկամուտների կոմիտեից։
Թարգմանությունը՝ Էմմա Չոբանյանի
