14.07.2026 | 11:23
Հայաստան-Ֆրանսիա հարաբերությունները նոր մակարդակի վրա են․ Փաշինյանի ուղերձը Մակրոնին
ՀՀ-ից Ադրբեջան արտահանման որևէ դեպք չի արձանագրվել. ՊԵԿ
Տնտեսություն
16.04.2026 | 15:44
Ըստ ՀՀ պետական եկամուտների կոմիտեի մաքսային վիճակագրության տվյալների՝ Հայաստանից Ադրբեջան արտահանման որևէ դեպք մաքսային մարմնի կողմից չի արձանագրվել։ Այս մասին Factor TV-ի հարցմանն ի պատասխան հայտնեցին Պետական եկամուտների կոմիտեից։
Հիշեցնենք՝ ավելի վաղ ադրբեջանական լրատվամիջոցները գրել էին, թե Ադրբեջանը սկսել է ապրանքներ ներմուծել Հայաստանից։
«Այս տարվա մարտին Ադրբեջանն առաջին անգամ Հայաստանից ներմուծել է 960 դոլարի ապրանքներ»,- այս մասին հաղորդում են ադրբեջանական լրատվամիջոցները՝ հղում անելով երկրի Պետական մաքսային կոմիտեին։ Չի հաղորդվում, սակայն, թե ինչ ապրանքատեսակների մասին է խոսքը։
Այս տարվա առաջին եռամսյակում Ադրբեջանից Հայաստան է ներմուծվել 5 միլիոն 757 հազար դոլարի արտադրանք, որից 1 միլիոն 537 հազար դոլարը՝ մարտին։ Հաղորդվում է, որ Հայաստան արտահանումից ստացված եկամուտները կազմել են Ադրբեջանի արտահանման ընդհանուր եկամուտների 0.1%-ը։
Ռոզա Վարդանյան
