21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Արարատ Միրզոյանը նվեր է ստացել Օմանի ԱԳ նախարարից
Քաղաքականություն
07.04.2026 | 21:46
ՀՀ արտաքին գործերի նախարար Արարատ Միրզոյանը նվեր է ստացել Օման կատարած այցի ժամանակ։ Այս մասին Factor.am-ը տեղեկանում է Միրզոյանի՝ Կոռուպցիայի կանխարգելման հանձնաժողով ներկայացրած պաշտոնյայի նվերների հաշվառման ձևաթղթից։
Օմանի Սուլթանության ԱԳ նախարար Բադր բին Համադ բին Համուդ Ալ-Բուսաիդին Միրզոյանին 265,000 դրամ արժողությամբ արծաթե ափսե է նվիրել՝ Բահլա ամրոցի պատկերով։
Միրզոյանը Օմանի Սուլթանություն պաշտոնական այց է կատարել մարտի 17-ին։ Միրզոյանը և Ալ-Բուսաիդինն ստորագրել են արտաքին քաղաքական գերատեսչությունների միջև քաղաքական խորհրդակցություններ անցկացնելու մասին փոխըմբռնման հուշագիր։ Մարտի 18-ին Մասկատում տեղի է ունեցել Հայաստանի ռեզիդենտ դեսպանության պաշտոնական բացումը:
Հիշեցնենք՝ «Հանրային ծառայության մասին» օրենքը սահմանում է հանրային ծառայողների կողմից նվերներ ընդունելու վերաբերյալ կանոններ։
Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
