26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Ադրբեջանում սկսել են արգելել հիջաբ կրել հանրակրթական դպրոցներում
Քաղաքականություն
07.04.2026 | 20:44
Ադրբեջանում սպասվում են պաշտոնական վայրերում գլխաշորերի վերաբերյալ նոր կարգավորումներ։
Müsavat-ը գրում է, որ «նախատեսվում է սահմանափակել կրոնական խորհրդանշական գլխաշորերի՝ հիջաբների կրումը դպրոցներում, համալսարաններում և պետական հաստատություններում և փոխարենը խթանել քալյաղան, որը ազգային արժեքն է»։
«Այս քայլի նպատակն է պաշտպանել ազգային միասնությունը և ընդհանուր սոցիալական միջավայրը։ Քալյաղան ոչ միայն հագուստի մի կտոր է, այլև մեր պատմության մեջ առանձնահատուկ տեղ է զբաղեցնում որպես միասնության, խաղաղության և ինքնության խորհրդանիշ», – գրում է աղբյուրը։
Նաև հաղորդվում է, որ նոր փուլում կմշակվեն իրազեկման մեխանիզմներ։
Հաղորդվում է նաև, որ մարտի 10-ին Մեհդիաբադ գյուղի թիվ 3 միջնակարգ դպրոցի տնօրեն Աֆաթ Ջամալովան, ըստ հաղորդումների, 23 աշակերտի հեռացրել է դպրոցից հիջաբ կրելու համար։ Սա փետրվարի վերջից սկսած հիջաբի հնարավոր արգելքի մասին հայտարարվող մի շարք հաղորդագրություններից մեկն է։
Սոցիալական ցանցերում տեղեկություններ են տարածվում, որ Ադրբեջանի տարբեր դպրոցներում տնօրենները թույլ չեն տալիս հիջաբ կրող աշակերտներին մտնել դպրոցի տարածք։
Թարգմանությունը՝ Էմմա Չոբանյանի
