02.07.2026 | 18:00
Վճռականորեն ասում եմ` երկաթուղին ՀՀ սեփականությունն է և պետք է ծառայի մեր շահերին. Փաշինյան․ ՏԵՍԱՆՅՈՒԹ
Ողջունում ենք Ադրբեջանի և Հայաստանի միջև խաղաղության գործընթացը. Կոբախիձե
Քաղաքականություն
06.04.2026 | 15:15
Վրաստանի վարչապետ Իրակլի Կոբախիձեն հայտարարել է, որ Վրաստանը ողջունում է Ադրբեջանի և Հայաստանի միջև խաղաղության գործընթացը, գրում են ադրբեջանական լրատվամիջոցները։
Թբիլիսիում նա այս մասին հայտարարել է Ադրբեջանի նախագահ Իլհամ Ալիևի հետ համատեղ մամուլի ասուլիսում։ Կոբախիձեն նշել է, որ Վրաստանը պատրաստ է անհրաժեշտության դեպքում իր ներդրումն ունենալ այս գործընթացի առաջխաղացման գործում.
«Մեր երկրները նոր հնարավորություններ են բացում Հարավային Կովկասում։ Այսօրվա զարգացումները մեծացնում են Միջին միջանցքի տարածաշրջանի կարևորությունը։ Մենք հատուկ ուշադրություն ենք դարձնում տարածաշրջանում տրանսպորտային ենթակառուցվածքների զարգացմանը և արդիականացմանը։ Ադրբեջանն ու Վրաստանը բազմիցս ապացուցել են, որ հուսալի գործընկերներ են, մասնավորապես՝ էներգետիկ հարցերում»,- նշել է Կոբախիձեն։
Ավելի վաղ Թբիլիսիում տեղի է ունեցել Ադրբեջանի նախագահ Իլհամ Ալիևի և Վրաստանի վարչապետ Իրակլի Կոբախիձեի դեմ առ դեմ հանդիպումը, որին հաջորդել է հանդիպումը ընդլայնված կազմով։
Թարգմանությունը`Էմմա Չոբանյանի
