17.08.2026 | 18:00
ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածուն Լիլիթ Գալստյանն է
Հայաստանի հետ խաղաղությունն ամրապնդելու համար ստորագրված փաստաթղթերը բավարար չեն, կարևոր է առևտուրը. Ալիև
Քաղաքականություն
06.04.2026 | 15:42
«Այսօր Հարավային Կովկասում նոր իրավիճակ է ստեղծվում, և Հարավային Կովկասի երկրները չպետք է բաց թողնեն այս հնարավորությունը» , – Ադրբեջանի նախագահ Իլհամ Ալիևն այսպիսի հայտարարություն է արել Թբիլիսիում Վրաստանի վարչապետ Իրակլի Կոբախիձեի հետ մամուլի ասուլիսում։ Նա նշել է, որ փաստաթղթերի ստորագրումը բավարար չէ Հայաստանի հետ խաղաղության գործընթացն ամրապնդելու համար։
«Մենք պետք է ամեն փուլում ամրապնդենք խաղաղությունը։ Դա անելու լավագույն միջոցը առևտուրն ավելացնելն է։ Այս գործընթացն այսօր իրականացվում է Վրաստանի միջոցով։ Ես նաև կցանկանայի նշել Վրաստանի դերը այստեղ։ Վրաստանի վարչապետը նշեց Հայաստանի և Ադրբեջանի միջև խաղաղությունը։ Առևտուրը նույնպես կարևոր է այս ոլորտում։ Այսօր Ադրբեջանի և Հայաստանի միջև առևտուրն իրականացվում է Վրաստանի միջոցով։ Ես ուզում եմ շնորհակալություն հայտնել Վրաստանին դրա համար», – ընդգծել է Ադրբեջանի ղեկավարը։
Ըստ Ալիևի՝ աշխատանքներ են տարվում տրանսպորտային միջանցքների ընդլայնման ուղղությամբ։
Ադրբեջանի նախագահը հավելել է, որ Միջին միջանցքն անցնում է Ադրբեջանով և Վրաստանով և գլխավոր տրանսպորտային զարկերակն է։ Ըստ նրա՝ լրացուցիչ ջանքեր են գործադրվում և կգործադրվեն դրա ընդլայնման համար։
Թարգմանությունը՝ Էմմա Չոբանյանի
