27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ալիևն ու Ղավելաշվիլին ընդգծել են ՀՀ-ի ու Ադրբեջանի միջև հարաբերությունների կարգավորման դերը Հարավային Կովկասում՝ անվտանգության ապահովման գործում
06.04.2026 | 15:59
Թբիլիսիում տեղի է ունեցել Ադրբեջանի նախագահ Իլհամ Ալիևի և Վրաստանի նախագահ Միխեիլ Ղավելաշվիլիի դեմ առ դեմ հանդիպումը։
Ադրբեջանական լրատվամիջոցները հաղորդում են, որ զրույցի ընթացքում նշվել է՝ Ադրբեջանի և Վրաստանի միջև երկկողմ հարաբերությունները հիմնված են բարեկամության, բարիդրացիության և ռազմավարական գործընկերության սկզբունքների վրա։ Ընդգծվել է նաև, որ համագործակցությունը հաջողությամբ զարգանում է տարբեր ոլորտներում, այդ թվում՝ քաղաքական, տնտեսական, էներգետիկ, կանաչ էներգիայի, տրանսպորտի, ներդրումների և այլ ոլորտներում։ Ընդգծվել է տարբեր մակարդակներում փոխադարձ այցելությունների կարևորությունը հարաբերությունների ընդլայնման գործում։
Նշվել է Ադրբեջանի և Վրաստանի կողմից համատեղ իրականացվող տրանսպորտային և էներգետիկ նախագծերի կարևորությունը, դրանց ռազմավարական և տնտեսական նշանակությունը։
Հանդիպման ընթացքում ընդգծվել է Ադրբեջանի և Հայաստանի միջև հարաբերությունների կարգավորման գործընթացի դերը Հարավային Կովկասում կայունության և անվտանգության ապահովման գործում։
Ադրբեջանի և Վրաստանի նախագահները գոհունակություն են հայտնել միջազգային կազմակերպություններում երկու երկրների համագործակցությունից և մտքեր են փոխանակել հարաբերությունների հեռանկարների և փոխադարձ հետաքրքրություն ներկայացնող այլ հարցերի շուրջ։
Թարգմանությունը`Էմմա Չոբանյանի
