27.07.2026 | 19:08
Մ-17 ԱԱ․ Արարատ Ավետիսյանը և Վազգեն Մնացականյանը բրոնզե մեդալի համար կգոտեմարտեն Բաքվում
Իսրայելը հաստատում է՝ սպանվել է ԻՀՊԿ հետախուզության ղեկավարը
Քաղաքականություն
06.04.2026 | 14:08
«Իսրայելը սպանել է Իրանի Իսլամական հեղափոխության պահապանների ծառայության հետախուզության ղեկավարին։ Իրանի առաջնորդներն ապրում են թիրախի տակ լինելու զգացումով։ Մենք կշարունակենք նրանց մեկ առ մեկ որսալ,- հայտարարել է Իսրայելի պաշտպանության նախարար Իսրայել Կացը։
«Իրանի Իսլամական հեղափոխության պահապանները կրակում են քաղաքացիական անձանց վրա, և մենք վերացնում ենք ահաբեկիչների առաջնորդներին», – նշել է նա։
Ըստ Կացի՝ Իսրայելը «լուրջ վնաս է հասցրել» նաև Իրանի մետալուրգիական և նավթաքիմիական արդյունաբերությանը։
«Մենք կշարունակենք ջախջախել Իրանի ազգային ենթակառուցվածքները և հանգեցնել ահաբեկչական ռեժիմի քայքայմանն ու փլուզմանը, ինչպես նաև՝ ոչնչացնել Իսրայել պետության նկատմամբ ահաբեկչություն իրականացնելու և կրակ բացելու կարողությունները», – ասել է նա։
Պատերազմի սկզբից ի վեր բացի հոգևոր առաջնորդ Ալի Խամենեիից սպանվել են Իրանի անվտանգության մի քանի բարձրաստիճան պաշտոնյաներ, այդ թվում՝ անվտանգության քարտուղար Ալի Լարիջանին և Իսլամական հեղափոխության պահապանների կորպուսի գլխավոր հրամանատար Մոհամմադ Պակպուրը։
Վերլուծաբանները նշում են, որ ապակենտրոնացված հրամանատարական կառուցվածքը թույլ է տվել Իրանին շարունակել համակարգել հարձակումները նույնիսկ այն դեպքում, երբ սպանվում են բարձրաստիճան պաշտոնյաներ։
Թարգմանությունը`Էմմա Չոբանյանի
