Թիկնիզյանի ասիստը, Սիմոնյանի, Դավիդյանի, Կորյանի ու Ալեքսանյանի գոլերը․ ՏԵՍԱՆՅՈՒԹ

Հայաստանի ազգային հավաքականի պաշտպան Նաիր Թիկնիզյանը «Ցրվենա Զվեզդայի» կազմում գոլային փոխանցում է կատարել «Ռադնիկի» դեմ Սերբիայի առաջնության 28-րդ տուրի հաղթական խաղում (2։1)։ Թիկնիզյանը դաշտ է դուրս եկել մեկնարկային կազմում, 36-րդ րոպեին աչքի է ընկել արդյունավետ գործողությունով, իսկ 69-րդ րոպեին փոխարինվել է։

Շվեդիայի Առաջին լիգայի առաջին տուրում «Նորչյոպինգը» 6։0 հաշվով հաղթել է «Վարնամոյին»:

Դաշտի տերերի 4-րդ գոլն առաջին խաղակեսի վերջնամասում խփել է հայ հարձակվող Ալբերտ Ալեքսանյանը: 20-ամյա ֆուտբոլիստը ձմռանն է Նովեգիայից տեղափոխվել «Նորչյոպինգ», որի կազմում 2 գոլի և 1 գոլային փոխանցման հեղինակ է դարձել նաև Շվեդիայի գավաթի խաղարկությունում։

Ռուսաստանի Առաջին դիվիզիոնի 27-րդ տուրում «Ռոտորը» հայ ֆուտբոլիստների գոլերի օգնությամբ 3-1 հաշվով հաղթել է «Նեֆտեխիմիկին»:

«Ռոտորի» կազմում գոլի հեղինակ են դարձել «Արարատի», «Փյունիկի» ու «Ալաշկերտի» նախկին ֆուտբոլիստներ Արտյոմ Սիմոնյանը և Դավիդ Դավիդյանը։

Հայաստանի հավաքականի նախկին կիսապաշտպան Արշակ Կորյանի գոլն օգնել է «Ռոդինային» Ռուսաստանի Առաջին դիվիզիոնի 27-րդ տուրում 3։1 հաշվով հաղթել «Սոկոլին»։ 30-ամյա Կորյանն առաջին գոլն է խփել ընթացիկ առաջնությունում։