27.04.2026 | 11:54
Իսրայելի հարվածների հետևանքով Լիբանանում 14 մարդ է զոհվել
Զելենսկին հայտնում է, որ Ուկրաինան և Սիրիան ընդլայնում են անվտանգության ոլորտում համագործակցությունը
Քաղաքականություն
06.04.2026 | 16:32
Ուկրաինան և Սիրիան համաձայնել են ամրապնդել անվտանգության ոլորտում համագործակցությունը, այս մասին հայտարարել է Ուկրաինայի նախագահ Վլադիմիր Զելենսկին։
Սիրիայի ժամանակավոր նախագահ Ահմեդ ալ-Շարաայի հետ բանակցություններից հետո Զելենսկին X-ում գրառման մեջ նշել է, որ երկու երկրները «կառուցում են նոր հարաբերություններ, նոր հնարավորություններ և ընդլայնում են անվտանգությունն ապահովելու իրենց ջանքերը»։
Ըստ Զելենսկիի՝ Դամասկոսում բանակցությունների նշանակալի օր էր և տեղի են ունեցել երկկողմ ձևաչափով բանակցություններ Սիրիայի նախագահ Ահմեդ ալ-Շարաայի հետ, նաևեռակողմ քննարկում՝ Ուկրաինա-Սիրիա-Թուրքիա ձևաչափով Թուրքիայի ԱԳՆ Հաքան Ֆիդանի մասնակցությամբ։
«Մեզ հաջողվեց անդրադառնալ ամեն ինչի՝ սկսած անվտանգության և պաշտպանության հարցերից և Իրանի շուրջ զարգացումների հետևանքով տարածաշրջանում ստեղծված իրավիճակից մինչև մեր երկրների միջև էներգետիկ և ենթակառուցվածքային համագործակցություն։ Մենք նաև կշարունակենք աշխատանքները սննդի անվտանգության ոլորտում։ Մենք մանրամասն քննարկեցինք պատերազմի հետևանքները հաղթահարելու ուղիները, ինչպես նաև՝ Ռուսաստանի կողմից մեր պետության և մեր ժողովրդի դեմ պատերազմի վերաբերյալ բանակցային գործընթացը»,- ասվում է գրառման մեջ։
Զելենսկին նշում է, որ Ուկրաինան առաջիններից մեկն էր, որ աջակցեց Սիրիային Ասադի ռեժիմի անկումից հետո և պատրաստ է շարունակել աջակցել կայունությանը և զարգացմանը։
Ուկրաինայի նախագահի այցը Դամասկոս տեղի էր ունեցել Ստամբուլում նախագահ Ռեջեփ Թայիփ Էրդողանի հետ հանդիպումից մեկ օր անց, որի ընթացքում քննարկվեցին «անվտանգության ոլորտում համագործակցության նոր քայլերը»։
Զելենսկին, շարունակելով իր շրջագայությունը Մերձավոր Արևելքի երկրներում, փորձում է առաջարկել իր ծառայությունները իրանական հրթիռների և անօդաչու թռչող սարքերի հարձակումները հետ մղելու գործում։ Ուկրաինայի նախագահը Դամասկոս էր ժամանել թուրքական ինքնաթիռով Թուրքիայի արտգործնախարար Հաքան Ֆիդանի հետ միասին։
Թարգմանությունը`Էմմա Չոբանյանի
