26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
ԱՄՆ ռազմաօդային ուժերը մեկ օրում Իրանում կորցրել են երկու ինքնաթիռ․ CNN
Քաղաքականություն
04.04.2026 | 15:55
Ուրբաթ, ապրիլի 3-ին, ԱՄՆ զինված ուժերը կորցրել են Իրանի հետ պատերազմին մասնակցած երկու ինքնաթիռ։ Բացի նախկինում հաղորդված խփված F-15 կործանիչից, The New York Times-ի և CNN-ի տվյալներով՝ Հորմուզի նեղուցի մոտ վթարի է ենթարկվել նաև A-10 Thunderbolt II ինքնաթիռը։
A-10-ի օդաչուն փրկվել է, հրատարակությանը հայտնել են երկու կառավարական աղբյուրներ՝ առանց լրացուցիչ մանրամասներ տրամադրելու։ CNN-ի աղբյուրները հավելել են, որ A-10-ի օդաչուն կարողացել է ինքնաթիռը դուրս հանել Իրանի օդային տարածքից, ապա անվտանգ կերպով կատապուլտացվել։
Իրանական լրատվամիջոցները, մինչդեռ, հայտարարել են, որ ամերիկյան A-10-ը խփվել է և ընկել Պարսից ծոց։ ԱՄՆ հրամանատարությունը դեռևս պաշտոնապես չի մեկնաբանել A-10-ի կորուստը։
CNN-ը հաղորդում է, որ խփված F-15-ի օդաչուի որոնումներին մասնակցում են A-10 հարձակողական ինքնաթիռներ։ Հաղորդվել է, որ իրանցիները փորձել են խոցել գործողությանը մասնակցող ուղղաթիռները, սակայն ամերիկացի զինծառայողներից ոչ ոք չի տուժել։
