24.04.2026 | 14:53
Կիսում եմ անցյալում հայ համայնքի ապրած ցավը. Էրդողանը կրկին «ցեղասպանություն» եզրույթը չի օգտագործել
Ադրբեջանի կառավարությունը Շուշիի ճանապարհը դարձրել է վճարովի
Քաղաքականություն
03.04.2026 | 20:28
Ադրբեջանի Նախարարների կաբինետը որոշում է կայացրել Ահմեդբեյլի-Ֆիզուլի՝ Վարանդա-Շուշի մայրուղու 81.3 կիլոմետրանոց հատվածը վճարովի ճանապարհի կարգավիճակ տալու մասին: Որոշումը հիմնված է Սահմանադրության 119-րդ հոդվածի և «Ավտոմոբիլային ճանապարհների մասին» օրենքի կիրառման վերաբերյալ կարգավորող ակտերի վրա, գրում են ադրբեջանական լրատվամիջոցները։
Փաստաթղթի համաձայն՝ վճարովի հատվածի սկիզբը վերցված է M-6 Հաջիգաբուլ-Բահրամթեփե-Մինջիվան մայրուղու 157-րդ կիլոմետրից, իսկ վերջնակետը տարածվում է մինչև Ահմեդբեյլի-Ֆիզուլի-Շուշա ճանապարհի 100,5-րդ կիլոմետրը։ Ճանապարհի վճարովի հատվածի չափը կորոշի Սակագնային խորհուրդը, իսկ դրա շահագործումը և այլ կազմակերպչական հարցերը վստահված են Ադրբեջանի պետական մայրուղիների գործակալությանը (AAYDA):
Ադրբեջանի կառավարության որոշման մեջ նշվում է, որ վարորդների համար կպահպանվի նաև այլընտրանքային անվճար երթուղի։
Այս հարցի վերաբերյալ քննդատություններ ու դժգոհություններ են հնչում սոցցանցերում։ Որոշ լրատվամիջոցներ և մեկնաբաններ կարծում են, որ կառավարությունը փորձում է ստեղծել լրացուցիչ եկամտի աղբյուր։
Թարգմանությունը՝ Էմմա Չոբանյանի
