24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Դատարանը ֆիքսել է, որ Ղազինյանը և այլ քաղաքացիներ ազատվել են սխալ, ինձ մեծ գումար է փոխհատուցվել․ ՏԵՍԱՆՅՈՒԹ
Հասարակություն
02.04.2026 | 17:29
ՀԷՑ-ի ժամանակավոր կառավարչի օրոք ընկերությունից հեռացվել է շուրջ 500 աշխատակից, դատարանն արդեն սկսել է անվավեր ճանաչել այդ ազատման հրամանները՝ դրանք որակելով ոչ իրավաչափ։ Այս մասին մամուլի ասուլիսի ժամանակ հայտնեցին «Հայաստանի էլեկտրական ցանցեր» ՓԲԸ նախկին գլխավոր տնօրենի պաշտոնակատար, «Ուժեղ Հայաստան» կուսակցության խորհրդի անդամ Դավիթ Ղազինյանի և փաստաբան Արամ Օրբելյանը։
«Կոնկրետ իմ հետ կապված որոշումը դատարանը որ տվել է, այնտեղ մի արտահայտություն է այսպես գրել, որ կա ճգնաժամ իմ և ժամանակավոր կառավարչի հարաբերություններում։ Նախ առաջինը՝ «ժամանակավոր կառավարիչ» արտահայտությունը արդեն ենթադրում է, որ նա ժամանակավոր է։ Ես այդտեղ 20 տարի աշխատում եմ։ Եվ երկրորդը՝ նա ժամանակավոր է, նա պետք է գնա, ու այնտեղ հստակ ֆիքսել է, որ սխալ է ազատվել, բայց չեմ վերականգնվում, որովհետև ճգնաժամ կա։ Այսինքն, դատարանը ֆիքսում է, որ Դավիթ Ղազինյանը և տասնյակ այլ մարդիկ այս պահի դրությամբ ազատվել են սխալ, այսինքն, հրամանը եղել է ոչ իրավաչափ, ոչ օրինական, բայց նաև փոխհատուցում է տալիս։ Եվ դա վերաբերում է բավականին մեծ թվերի»,- ասաց Դավիթ Ղազինյանը։
Մանրամասները՝ տեսանյութում։
