27.10.2026 | 09:46
Էդուարդ Սպերցյանը գոլային փոխանցում է կատարել Ասիայի Չեմպիոնների լիգայում. ՏԵՍԱՆՅՈՒԹ
Գրազ եմ գալիս ոսկե մեդալիս վրա․ Արման Ծառուկյանի մրցակից
02.04.2026 | 16:06
UFC-ի նախկին մարտիկ Յուրայա Ֆայբերն անդրադարձել է Արման Ծառուկյանի հետ մենամարտին։ 46-ամյա ամերիկացին UFC-ի թեթև քաշային կարգի դասակարգման երկրորդ համարի հետ ազատ ոճի ըմբշամարտի մենամարտ է անցկացնելու ապրիլի 18-ին Ֆիլադելֆիայում կայանալիք RAF 08 մրցաշարում։
«Ես գրազ եմ գալիս ոսկե մեդալիս վրա, որը հաղթել եմ Հենրի Սեխուդոյից։ Երես առած հարուստ տղան հնարավորություն է ստանում ոսկի շահելու։ Ուշագրավ պատմություն է։ Երբ մտածում ես, որ ծնողներդ կյանքում քեզ ամեն ինչ տվել են, Ֆայբեր հայրիկը գալիս է օգնության»,- սոցցանցերում գրել է Յուրայ Ֆայբերը։
46-ամյա Ֆայբերը խառը մենամարտերում հանդես է եկել 2003-2019 թվականներին, տարել է 35 հաղթանակ ու կրել 11 պարտություն։ Նա եղել է UFC-ի տիտղոսի հավակնորդ, բայց չորս անգամ պարտվել է չեմպիոնական մենամարտերում։
