26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ողջունում ենք Ադրբեջանի և Հայաստանի միջև կայուն խաղաղության հասնելու քայլերը. Թուրքիայի փոխնախագահը՝ Բաքվում
Քաղաքականություն
02.04.2026 | 17:09
Մենք գոհունակությամբ ողջունում ենք Ադրբեջանի և Հայաստանի միջև կայուն խաղաղության հասնելու ուղղությամբ ձեռնարկվող քայլերը։
Ադրբեջանական լրատվամիջոցների հաղորդմամբ՝ այս մասին Բաքվում կայացած Թյուրքական պետությունների կազմակերպության անդամ երկրների վարչապետների և փոխնախագահների հանդիպման ժամանակ հայտարարել է Թուրքիայի փոխնախագահ Ջևդեթ Յըլմազը։
Նա հույս է հայտնել, որ տարածաշրջանում ստեղծված պատմական հնարավորությունը կգնահատվի և երկու երկրների միջև կստորագրվի խաղաղության համաձայնագիր։
«Հարավային Կովկասում կայունության և համագործակցության մթնոլորտը կխթանի թյուրքական աշխարհի փոխհարաբերությունները: Մենք կարծում ենք, որ նոր համագործակցության հնարավորությունները բազմաթիվ ոլորտներում, ինչպիսիք են տրանսպորտը, էներգետիկան, ենթակառուցվածքները և կապը, զգալի ներդրում կունենան թյուրքական աշխարհի բարգավաճման գործում»,-հայտարարել է Թուրքիայի փոխնախագահը :
Թարգմանությունը՝ Էմմա Չոբանյանի
