14.09.2026 | 11:45
«Փարքինգի նոր տրամաբանություն քննարկեք, որ ինչ-որ միջին մակարդակի չինովնիկներ սև փող չաշխատեն»․ Ավինյան. ՏԵՍԱՆՅՈՒԹ
8 ուժ ԿԸՀ-ում օգտահաշիվ է բացել ընտրություններին մասնակցության հայտ ներկայացնելու համար
Քաղաքականություն
02.04.2026 | 14:37
Հունիսի 7-ի խորհրդարանական ընտրություններին ընդառաջ 8 քաղաքական ուժ դիմել է Կենտրոնական ընտրական հանձնաժողովին ընտրություններին մասնակցության հայտ լրացնելու օգտահաշիվ բացելու համար։ Այս մասին Factor TV-ի հարցմանն ի պատասխան հայտնել է ԿԸՀ խոսնակ Սեդա Ղուկասյանը։
Այդ ուժերն են «Բարգավաճ Հայաստան» կուսակցությունը, «Քրիստոնեա դեմոկրատական» կուսակցությունը, «Ազգային առաջընթաց» կուսակցությունը, «Հայաստան» դաշինքը, «Քաղաքացիական պայմանագիր» կուսակցությունը, «Բոլորին դեմ եմ» կուսակցությունը, «Լուսավոր Հայաստան» կուսակցությունը և Ազգային ժողովրդավարական բևեռը։
Նշենք՝ ընտրություններին մասնակցելու համար պարտադիր է օգտահաշիվ ստանալու դիմումը. այն պետք է էլեկտրոնային եղանակով ԿԸՀ ուղարկել մինչև ապրիլի 23-ը՝ ժամը 18։00-ն։ Այն կուսակցությունները, դաշինքները, որոնք արդեն դիմել են օգտահաշիվ ստանալու համար, ապրիլի 13-ից սկսած կարող են ԿԸՀ ներկայացնել առաջադրման փաստաթղթերը։
Սակայն, օգտահաշիվ բացելու փաստը չի ենթադրում ընտրություններին մասնակցության հայտի պարտադիր ներկայացում։
Եվգենյա Համբարձումյան
